Kôlôsê 3:18 - Sơ̆p Hlabơar Nơ̆r 'Bok Kei-Dei

¹⁸ Lu bơngai drŏ-kăn, iĕm athei chu yom kơ klo iĕm pơgơ̆r yua kơ iĕm lui boih kơ Kră Yang Yêsu Krist.

Kôlôsê 3:18 Iomraidhean Croise

Bl 3:16

Kră Yang 'Bok Kei-Dei khan kơ bơngai drŏ-kăn thoi âu: “Inh gô ăn tơdrong gleh pơmat lăm tơdrong anăp; ih gô jĭ pơmat lăm năr hơiơch. Gah tơdrong hưch wă ih gô mơ̆ng kơ klo ih, păng klo ih gô pơgơ̆r ih.”

Esther 1:20

Thoi noh tơdah layơ nơ̆r pơtao noh đei roi tơbăt tơ jơ̆p-jang lăm teh đak ih, mă să păng tih dêh, lei na đĭ-đăng lu drŏ-kăn gô chu yom kơ klo lu sư, mă mơdrŏng yŏng mơng truh tơ bơngai pă rơ-a.

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 14:34

Lăm iĕm akŭm, lu bơngai drŏ-kăn athei hreh ưh kơ gơh iung pơma. Lu bơngai lui mă akŭm jơ̆p-jang anih kư̆m pơm thoi noh mơ̆n. Lu bơngai drŏ-kăn athei lui yom kơ bơngai drŏ-nglo kư̆m thoi tơdrong 'Bok Kei-Dei pơkă.

Êphêsô 5:22

Lu bơngai pơm akăn, dang ei iĕm lui boih kơ Yêsu Krist, iĕm athei chu yom kơ klo iĕm gô mơ̆ng kơ sư pơgơ̆r.

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Êphêsô 5:9

Dôm lu bơngai oei lăm tơdrong hơdah, Sư gô pơm dôm tơdrong 'lơ̆ng tơpăt ngăl.

I Tim 2:12

Inh ưh kơ ăn lu bơngai drŏ-kăn bơtho tơdrong 'Bok Kei-Dei lăm iĕm akŭm. Păng inh ưh kơ ăn sư pơgơ̆r lu bơngai drŏ-nglo mơ̆n. Lu sư athei oei thĕng 'nĕ kơ pơma lăm iĕm akŭm.