Kôlôsê 3:14 - Sơ̆p Hlabơar Nơ̆r 'Bok Kei-Dei

¹⁴ Kăl tơpă tơdrong 'mêm mơnat dih băl; dah bơ̆n đei tơdrong 'mêm mơnat dih băl boih, bơ̆n gô 'bôh tôm tơdrong bơ̆n pơm 'lơ̆ng.

Kôlôsê 3:14 Iomraidhean Croise

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Yo 15:12

Inh pơkă ăn kơ iĕm thoi âu: Iĕm athei 'mêm mơnat dih băl kư̆m thoi Inh 'mêm mơnat kơ iĕm.

Yo 17:23

Inh pôm đon hăm lu sư păng ba pôm đon dih băl, wă kơ lu sư pôm đon tơduă lu sư mơ̆n; na lu bơngai ala teh âu băt kơ Ih wơh Inh tơpă păng lu bơngai ala teh gô băt kơ Ih 'mêm kơ lu bơngai pơhrăm păng Inh, noh kư̆m thoi Ih 'mêm kơ Inh mơ̆n.

Rom 13:8

Tơdrong bơ̆n hre kơ đe, bơ̆n athei jah ăn na jah tôch. Mă gah tơdrong 'mêm kơ bôl buăl ưh kơ tôch ôh. Bơngai bu 'mêm kơ bôl buăl, bơngai noh ưh kơ hŭt ôh dôm tơdrong juăt 'Bok Kei-Dei pơkă.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.

Êphêsô 4:3

Iĕm athei adrin oei hiôk hơdai hăm bôl buăl, yua kơ Yang Bơhngol 'Lơ̆ng ăn kơ bơ̆n jing minh jơhngơ̆m minh đon rim 'nu kơ bơ̆n lei-lăi ngăl.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tes 4:9

Gah tơdrong 'mêm mơnat tơduă bôl bơngai lui nhôn huay kơ kăl chih roi kơ iĕm ôh, yua kơ 'Bok Kei-Dei bơtho iĕm boih tơdrong 'mêm mơnat dih băl 'noh.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

Hêbrơ 6:1

Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,

I Pet 4:8

Mă loi bơ̆n 'nĕ hiơt kơ tơdrong 'mêm mơnat, dah bơ̆n 'mêm mơnat dih băl bơ̆n huay kơ jô̆ yo kơ tơdrong yoch bôl buăl ôh.

II Pet 1:7

Dah iĕm pơm kiơ̆ dôm tơdrong 'Bok Kei-Dei, iĕm gô đei đon 'mêm kơ bôl buăl bơngai lui, đơ̆ng noh na iĕm jing 'mêm kơ đĭ-đăng bơngai.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:23

Tơdrong Sư wă kơ bơ̆n răk thoi âu: Bơ̆n athei lui kơ Kon Sư Yêsu Krist păng 'mêm mơnat dih băl tơduă bơ̆n, kư̆m thoi Yêsu pơkă kơ bơ̆n sơ̆.

I Yo 4:21

Na Yêsu Krist bơtho pơkă kơ bơ̆n thoi âu: Bơngai bu 'mêm kơ 'Bok Kei-Dei, bơngai 'noh athei 'mêm mơnat kơ 'nhŏng oh sư mơ̆n.