Kôlôsê 3:1 - Sơ̆p Hlabơar Nơ̆r 'Bok Kei-Dei

¹ 'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.

Kôlôsê 3:1 Iomraidhean Croise

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Tơdrông Pơđơk 15:24

Trong tơdrong arih lu bơngai hơgei đei rai tŏk; Wă kơ sư gơh klaih đơ̆ng dêh atâu ala sŭng.

Bôk Bơthô 10:2

Jơhngơ̆m bơngai hơgei đei ba sư tơdrong trŏ; na jơhngơ̆m bơngai kơtul pơdrŭt sư pơm tơdrong glăi.

Mathiơ 22:44

‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Mathiơ 6:20

Iĕm athei chă mong mŭk tơmam tơ plĕnh ti đĕch huay kơ đei sang-sa, mua reh, hăm ưh kơ đei bu gơh iŏk tơtông.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Markôs 12:36

Yang Bơhngol 'Lơ̆ng athei Đawit khan thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.’

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 20:42

Mă-lei Đawit khan tơ lăm sơ̆p hla bơar Tơdrong Hơri Sơ̆ thoi âu: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ kơ oei gah 'ma kơ Inh pơgơ̆r,

Luka 22:69

Đơ̆ng âu truh tơ ning-mônh Inh Kon Bơngai gô oei gah 'ma kơ 'Bok Kei-Dei mă mơsêh mơyang tơpă na pơgơ̆r.”

Jang 2:34

Đawit ưh kơ đei tŏk tơ plĕnh ôh, mă-lei sư khan: ‘Kră Yang 'Bok Kei-Dei khan kơ Yŏng Kơdră inh thoi âu: Ih kư̆ oei gah 'ma kơ Inh pơgơ̆r,

Jang 7:55

Mă-lei Êtien 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư tơpă. Sư ngoi lăng tơ plĕnh 'bôh ŭnh pơchrang hơdah đơ̆ng 'Bok Kei-Dei. Sư kư̆m 'bôh Yêsu oei gah 'ma kơ 'Bă Sư mơ̆n.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Rom 8:6

Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

II Kor 4:18

Tơdrong kiơ mă bơ̆n gơh 'bôh, nhôn ưh kơ tơchĕng ôh; nhôn tơchĕng kơ tơdrong mă bơ̆n ưh kơ gơh 'bôh, yua kơ dôm tơdrong măt bơ̆n gơh 'bôh sư hiong tôch, ưh kơ gơh oei ling-lang ôh. Pôm tơdrong măt bơ̆n ưh kơ gơh 'bôh đĕch, gơh oei ling-lang ưh kơ layơ tôch.

Êphêsô 4:10

Sư jur tơ noh boih, Sư kư̆m tŏk tơ kơpal kơ plĕnh, wă khan Sư pơgơ̆r jơ̆p-jang kơ plĕnh teh jơ̆p-jang kơ anih.

Êphêsô 5:22

Lu bơngai pơm akăn, dang ei iĕm lui boih kơ Yêsu Krist, iĕm athei chu yom kơ klo iĕm gô mơ̆ng kơ sư pơgơ̆r.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Kôlôsê 3:2

Iĕm athei tơchĕng ling-lang gah tơdrong tơ kơpal plĕnh ti, 'nĕ pă tơchĕng kơ tơdrong tơ ala teh âu,

Hêbrơ 1:13

'Bok Kei-Dei tam layơ khan kơ linh jang thoi Sư khan kơ Kon Sư thoi âu: “Ih kư̆ oei gah 'ma kơ Inh pơgơ̆r, Tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.”

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 10:12

Gah Yêsu Krist, Sư soi akâu Sư kơ 'Bok Kei-Dei wă pơklaih tơdrong yoch kon bơngai minh 'măng sơ̆ tôm boih. Dang ei Sư tơoei gah 'ma kơ 'Bă Sư 'Bok Kei-Dei.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

Hêbrơ 8:1

Dôm tơdrong inh pơma kơ iĕm dang ei, tơdrong âu kăl tơpă, thoi inh roi kơ iĕm tơ kơpal noh hei: Bơ̆n đei minh 'nu 'bok soi tih, Sư oei gah 'ma kơ 'Bok Kei-Dei tơ plĕnh ti.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.