Kôlôsê 2:22 - Sơ̆p Hlabơar Nơ̆r 'Bok Kei-Dei

²² Dôm tơmam sa đe khan giĕng noh, tơmam ala teh đĕch, tơ̆ng bơ̆n sa, sư jing hach răm ưh kơ đei pơm kiơ kơ bơ̆n ôh. Tơ̆ng bơ̆n giĕng kơ sa, noh bơ̆n oei kiơ̆ kơ đon kon bơngai pơm, ưh tam mă kiơ̆ Yêsu Krist tơpă ôh.

Kôlôsê 2:22 Iomraidhean Croise

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Da 11:37

Sư ưh pă wêr lu yang yă 'bok sư păng kư̆m ưh pă lăng lu yang mă drŏ-kăn oei 'mêm. Sư lăng lu yang ưh pă rơ-a kiơ; yua kơ sư pôk hơtŏk sư kơjung hloh kơ đĭ-đăng.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

Kôlôsê 2:21

Lơliơ iĕm oei kiơ̆ tơdrong juăt kon bơngai ată khan giĕng kơ sa tơmam âu, giĕng kơ sa tơmam to, ưh kơ ăn kơ măt lăng, ưh kơ ăn kơ ti pel?

Tit 1:14

Păng ih khan kơ lu sư 'nĕ pă lui kơ tơdrong hơ'mon lu bơngai Juđê. Athei lu sư hŭt đĭ lu tơdrong 'noh yua kơ tơdrong 'noh đơ̆ng kon bơngai tơchĕng đĕch. Kơlih kơ bơngai mă nŏng bơtho đe hơ'mon 'noh sư hŭt lê̆ tơdrong 'Bok Kei-Dei boih.

II Pet 2:12

Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

Tơdrông Tơ'bôh 17:18

Bơngai drŏ-kăn mă ih 'bôh noh, wă pơtih gia kơ minh pôm pơlei tih pơgơ̆r jơ̆p kơ teh đak, đĭ-đăng lu 'bok pơtao.”