Kôlôsê 2:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

Kôlôsê 2:19 Iomraidhean Croise

Luka 5:38

Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 3:6

Inh pơtăm găr sư boih, na Apôlê pruih đak, mă-lei 'Bok Kei-Dei ăn kơ tơmam noh gơh wơ̆ tih.

Êphêsô 1:22

'Bok Kei-Dei ăn kơ Sư pơgơ̆r tôm tơdrong hloi păng ăn kơ Sư pơm Yŏng tơm pơgơ̆r đĭ-đăng kơ lu bơngai lui. Yêsu Sư thoi kơ̆l,

Êphêsô 1:23

na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Êphêsô 2:21

Đĭ dôm lu 'long hnam noh pơ̆ng pơlăp tơ jrăng mum noh bruơ̆ng keh minh pôm hnam tih rŏ, pơyơ̆r kơ 'Bok Kei-Dei.

Êphêsô 4:3

Iĕm athei adrin oei hiôk hơdai hăm bôl buăl, yua kơ Yang Bơhngol 'Lơ̆ng ăn kơ bơ̆n jing minh jơhngơ̆m minh đon rim 'nu kơ bơ̆n lei-lăi ngăl.

Êphêsô 5:29

Ưh kơ đei bu khan ưh kơ 'mêm kơ akâu sư kơdih ôh, đĭ-đăng bơngai tă 'mêm kơ akâu sư kơdih ngăl, thoi noh na bơ̆n băt kơ 'me sa akâu bơ̆n kơdih, băt kơ wei-lăng akâu bơ̆n kơdih, thoi Yêsu Krist wei-lăng lu bơ̆n bơngai lui kơ Sư.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

I Tes 3:12

Păng nhôn apinh Sư tơgŭm iĕm rai đunh rai gơh 'mêm mơnat dih băl lăm tơduă lu iĕm păng bôl buăl nai mơ̆n kư̆m thoi nhôn 'mêm mơnat kơ iĕm.

I Tes 4:10

Mă iĕm kư̆m băt 'mêm mơnat kơ đĭ-đăng bơngai lui jơ̆p kơ dêh Masêđôn mơ̆n. Mă nhôn kư̆m wă kơ iĕm rai đunh rai gơh 'mêm mơnat dih băl tơpă.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

I Pet 3:8

Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.