Kôlôsê 2:16 - Sơ̆p Hlabơar Nơ̆r 'Bok Kei-Dei

¹⁶ Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Kôlôsê 2:16 Iomraidhean Croise

II Pot 4:23

Klo duch ei jet: “Năr 'nâu ưh kơ trŏ năr khei plơ̆ng ôh, kư̆m ưh kơ trŏ năr pơdơh Sa'bat mơ̆n. Thoi noh yua kơ kiơ wă năm tơ sư?” Duch ei tơl: “Huay ôh”

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

II Ho 31:3

Pơtao ăn tơmam soi sư kơdih wă pơyơ̆r pơm tơmam soi 'buh kiơ̆ pơgê kiơ̆ kơsơ̆, lăm năr giĕng Sa'bat, năr khei tơ'bang blŭng-a păng lăm lu năr giĕng tih kiơ̆ thoi đei chih răk lăm sơ̆p hla bơar khôi juăt Kră Yang.

Ne 10:31

Lu nhôn pơkă lăm năr Sa'bat dah năr đei pơm giĕng tih ưh kơ răt phe 'ba dah tơmam kiơ đơ̆ng lu adrĕch char âu, lăm sơnăm mă tơpơh ưh kơ choh jang sa, kư̆m ưh kơ iŏk boih đơ̆ng bơngai bu oei hre.

Ne 10:33

Gah tơpŭng 'lơ̆ng rơgoh, gah tơmam pơyơ̆r phe 'ba, hơ'bo 'bum, gah tơmam soi pơyơ̆r 'buh juăt kơ pơyơ̆r, gah tơmam soi pơyơ̆r lăm năr Sa'bat, năr blŭng-a lăm rim khei, gah năr kơ̆m giĕng nai, tơmam soi pơyơ̆r huai tơdrong yoch kơ lu kon pơlei Isơrael păng dôm lu adrĕch nai lăm hnam akŭm 'Bok Kei-Dei lu nhôn.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Êsai 1:13

'Nĕ pă pơyơ̆r tơmam soi phe 'ba ưh kơ yua kiơ kơ Inh dơ̆ng, Inh areh dêh tơmam 'bâu phu iĕm, năr khei 'nao, năr Sa'bat, lu năr iĕm akŭm sŏng sa tih. Inh ưh kơ lăp ôh tơdrong yoch tih iĕm lăm năr iĕm akŭm pơm giĕng tih.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Lêwi 16:31

Noh jing thoi năr Sa'bat kơ lu iĕm, minh năr pơdơh pơyom, lu iĕm athei pơmat akâu iĕm kơdih, noh jing tơdrong juăt ling-lang.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Markôs 7:19

Mă tơmam sa kiơ mơ̆t lăm klak kon bơngai ưh kơ sĭ mơ̆t lăm jơhngơ̆m sư pơm kơ sư jing yoch ôh. Tơmam sa mơ̆t lăm klak klaih kơ noh lĕch đĭ.” Thoi noh bơ̆n băt tôm kơ tơmam sa kiơ̆ kơ Yêsu khan tơmam sa rơgoh 'lơ̆ng ngăl ưh kơ đei giĕng kơ sa ôh.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Rom 14:10

Yua kơ thoi noh na lơliơ iĕm gơh sek tơlang 'nhŏng oh khan bơngai yoch bơngai ưh? Lơliơ iĕm gơh pơjăm sư lĕ? Ning-mônh đĭ-đăng bơ̆n gô dơ̆ng 'bơ̆t anăp 'Bok Kei-Dei sek tơlang ngăl.

Galati 4:10

Dang ei iĕm wă kiơ̆ tơdrong juăt kon bơngai tơpă, iĕm wă pơm kiơ̆ rim bơyan đe Juđê.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

I Sam 20:18

Jônathan khan dơ̆ng: Dơning năr mă mônh khei plơ̆ng đe ei 'bôh ih krŭl yua kơ 'bơ̆t anih ih ưh kơ đei bơngai oei.

I Sam 20:5

Đawit khan: Dơning năr mă mônh, lăm khei plơ̆ng inh juăt et sa hơdai hăm pơtao, mă-lei lê̆ inh năm ôn lăm tơmăn glă truh tơ kơsơ̆ năr mă pêng.