Kôlôsê 2:15 - Sơ̆p Hlabơar Nơ̆r 'Bok Kei-Dei

¹⁵ Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Kôlôsê 2:15 Iomraidhean Croise

Bl 3:15

Inh gô ăn kơ e păng bơngai drŏ-kăn, adrĕch adrung bơngai drŏ-kăn hăm adrĕch adrung e gô ayăt dih băl. Kon bơngai gô juăc bơhlơ̆r kơ̆l e, na e gô choh kơnơl jơ̆ng Sư.”

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Mathiơ 12:29

Ưh kơ đei bu gơh mơ̆t tơtông tơmam bơngai pran, dah ưh kơ chô̆ jơ̆ng ti sư hơdrol; đe chô̆ jơ̆ng ti sư hơdrol 'mơ̆i na gơh mơ̆t tơtông tơmam sư lăm hnam. Na Inh tơblah hăm yŏng yang kơnê̆ kư̆m thoi noh mơ̆n.

Luka 10:18

Na Yêsu khan kơ lu sư: “Trŏ boih, Inh 'bôh yang Satan, yŏng yang kơnê̆, huŏng đơ̆ng plĕnh hrĕnh dang kơmlat.

Luka 11:22

Bơngai noh sư gơnang kơ tak đao sư, mă-lei dah đei bơngai bu pran hloh năm blah iŏk pơjei tak đao sư, na bơngai 'nei gơh iŏk đĭ dôm mŭk tơmam sư đei păng asong kơ lu bôl buăl sư. Inh kư̆m tơblah hăm yang Satan thoi noh mơ̆n.

Yo 16:11

Sư tơbăt ăn kơ lu sư gah tơdrong 'Bok Kei-Dei wă phak tơpă lu bơngai mă ưh kơ lui kơ Sư, kơlih kơ Sư sek tơlang boih yang Satan mă pơgơ̆r tơ ala teh âu.

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 4:8

Tơdrong 'noh kư̆m thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Lăp Sư tŏk tơ plĕnh ti Sư anhăk ba lơ lu bơngai bơnă mă đêl ayăt kơ Sư, păng Sư asong tơmam ăn kơ dôm lu bơngai mă Sư 'mêm.”

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Hêbrơ 2:14

Lu kon Sư noh wă khan kon bơngai bơ̆n, na Sư kư̆m jing thoi kon bơngai bơ̆n mơ̆n, wă kơ gơh lôch tang kon bơngai păng pơrăm yŏng pơgơ̆r yang sơmăt mă pơgơ̆r pơlôch kon bơngai.

Tơdrông Tơ'bôh 12:9

Na đe tơhuŏng sư păng đĭ lu linh sư tơ teh. Prao noh boih 'bih so sơ̆ mă đe anăn yŏng yang sơmăt păng yang Satan. Sư pơhlŭ đe jơ̆p kơ teh đak. Đe blah tơhuŏng sư păng lu linh sư đơ̆ng plĕnh tơ teh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.