Kôlôsê 2:1 - Sơ̆p Hlabơar Nơ̆r 'Bok Kei-Dei

¹ Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

Kôlôsê 2:1 Iomraidhean Croise

Bl 30:8

Rachel khan thoi âu: Inh adrin đĭ jơhngơ̆m blah mŏ inh, na dang ei jei inh boih; yua kơ thoi noh, sư anăn kon drŏ-nglo noh Neptali.c

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Jang 20:25

“Sơ̆ inh năm tơ rim lu iĕm, bơtho ăn kơ đĭ-đăng iĕm tơdrong 'Bok Kei-Dei wă pơgơ̆r iĕm thoi yơ. Na dang ei inh băt kơ iĕm ưh kơ đei layơ wă 'bôh akâu inh tơ ala teh âu dơ̆ng.

Jang 20:38

Lu sư sơ'ngon tơpă kơlih kơ Pôl khan sư, ưh pă đei layơ wă 'bôh lu sư tơ ala teh âu dơ̆ng. Klaih kơ noh lu sư năm ba Pôl tơ thŏng-nan.

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Philip 1:30

Iĕm kư̆m đei boih tơdrong đe pơm kơnê̆ kơ iĕm, thoi iĕm 'bôh đe pơm kơnê̆ kơ inh tơ pơlei iĕm sơ̆, hăm đe pơm kơnê̆ kơ inh dang ei mơ̆n.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

Kôlôsê 2:5

Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh hiôk yua kơ inh băt kơ iĕm pôm đon hăm lui kơjăp kơ Yêsu Krist.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”