Kôlôsê 1:28 - Sơ̆p Hlabơar Nơ̆r 'Bok Kei-Dei

²⁸ Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Kôlôsê 1:28 Iomraidhean Croise

Esơra 7:25

Gah ih, ơ Esơra, kiơ̆ kơ tơdrong hơgei Kră Yang 'Bok Kei-Dei ih, đei boih lăm ti ih, pơjing bĕ lu 'bok wei-lăng, 'bok sek tơlang, jĭ lu bơngai hlôh băt tôm khôi juăt Kră Yang 'Bok Kei-Dei ăn kơ ih, wă kơ lu sư sek tơlang ăn đĭ kon pơlei oei gah bơmơ̆t kơ đak krong; na lu đe bu mă ưh kơ băt khôi juăt, ih athei bơtho lu sư wă kơ băt.

Tơdrông Pơđơk 8:5

Ơ lu bơngai kơ hlôh, hŏk pơhrăm bĕ tơdrong hlôh wao, Ơ lu bơngai kơtul, iŏk bĕ tơdrong hlôh wao.

Bôk Bơthô 12:9

Minh 'nu bơngai hơgei, 'bok bơtho sư oei bơtho tơ'bôh tơdrong hơgei ăn kơ kon pơlei. Sư kăl kơ tơ'blŏk hơlen păng pơkeh dôm tơdrong pơđơ̆k.

Je 3:15

Inh gô ăn kơ iĕm lu bơngai wei-lăng kiơ̆ thoi Inh lăp; lu sư gô wei rong chông anhăk lu iĕm hăm tơdrong gơh hơgei hlôh wao.”

Je 6:10

Inh gô roi păng tơbăt kơ bu, wă kơ lu sư mơ̆ng Inh? 'Nâu, đon lu sư chĭt lê̆ boih, lu sư ưh pă kơtơ̆ng boih. Nơ̆r Kră Yang lu sư pơjăm, lu sư ưh kơ 'maih mơ̆ng ôh nơ̆r Kră Yang.

Êsêkiên 7:10

Âu, năr 'nâu! Sư truh boih. Tơdrong răm truh kơ ih boih, tơdrong pơm kơnê̆ rai krưp thoi 'long bluh pơkao, tơdrong pơang rai tih thoi 'long bluh tơmơ̆ng.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Markôs 6:34

Lăp Yêsu jur đơ̆ng thŏng-nan, Sư 'bôh lơ bơngai tơpă gô Sư tơ anih 'noh. Na Sư mơnat dêh kơ lu bơngai tơpôl 'noh yua kơ lu bơngai tơpôl 'noh thoi lĕ triu ưh kơ đei bơngai wei-lăng. Na Sư bơtho lu đe ei lơ tơdrong.

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Jang 11:20

Lăm lu bơngai lui ei đei bơngai đơ̆ng dêh Chiprơ păng bơngai Pơlei Siren lu sư khŭl Juđê, mă-lei lu sư năm bơtho tơdrong Kră Yang Yêsu kơ lu kon tơmoi ưh kơ khŭl sư tơ Pơlei Antiôs.

Jang 13:38

Ơ lu 'nhŏng oh, inh wă kơ iĕm băt tơpă tơdrong âu: Yua kơ Yêsu na iĕm gơh klaih đơ̆ng tơdrong yoch.

Jang 17:18

Đei lu 'bok thây bơtho tơdrong Êpikur păng lu 'bok thây bơtho tơdrong Sơtôk kư̆m pơjah păng Pôl mơ̆n. Đei bơngai mơ'nah khan kơ Pôl: “Bơngai 'bơ̆r đon kư̆ kă đĕch âu. Sư wă pơma tơdrong kiơ ră âu? Bơ̆n ưh kơ hlôh ôh iih?” Đei mơ'nah khan dơ̆ng: “Rŏ lăng sư bơtho tơdrong lu yang đe nai đĕch âu.” Lu sư pơma khan kơ Pôl thoi noh yua kơ Pôl bơtho sư gah tơdrong Yêsu lôch iung arih dơ̆ng.

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

Jang 3:20

Sư gô wơh Yêsu Krist 'Bok Dŏng Pơklaih mă Sư rơih boih jur wă pơgơ̆r bơ̆n.

Jang 5:42

Rim năr sư oei bơtho Tơdrong 'Nao 'Lơ̆ng Yêsu Krist phŏ phŏ kơnh tơ hnam akŭm 'Bok Kei-Dei tơm, phŏ phŏ kơnh tơ hnam kơdih.

Jang 8:35

Na Philip khan kơ sư: “Tơdrong ba đŏk 'noh hei, Êsai khan lê̆ hơdrol gah tơdrong Yêsu.” Na đơ̆ng noh Philip bơtho sư tôm tơdrong Yêsu.

Jang 8:5

Hơtai ei Philip năm tơ Pơlei Samari, bơtho gah tơdrong Yêsu. Sư khan: “Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

I Kor 15:12

Thoi noh dah nhôn bơtho khan Yêsu Krist iung arih đơ̆ng lôch, lei lơliơ lăm lu iĕm mơ'nah khan ưh kơ đei bu gơh iung arih đơ̆ng lôch?

I Kor 2:15

Lu bơngai mă đei Yang Bơhngol 'Lơ̆ng, lu sư hlôh băt tôm tơdrong trŏ glăi; gah lu bơngai mă ưh kơ đei Yang Bơhngol 'Lơ̆ng, lu sư ưh kơ hlôh minh tơdrong trŏ glăi gah lu bơ̆n thoi yơ.

I Kor 2:6

Gah lu bơngai lui kơjăp boih inh bơtho mơ̆n kiơ̆ kơ tơdrong hơgei, mă-lei ưh kơ sĭ kiơ̆ kơ tơdrong hơgei ala teh âu, dah kiơ̆ kơ lu 'bok pơgơ̆r ala teh âu ôh, yua kơ lu sư rai wă tôch boih.

I Kor 4:14

Inh chih kơ iĕm thoi noh ưh kơ sĭ inh wă kơ iĕm mơlâu ôh. Inh wă bơtho iĕm yua kơ iĕm dang kon inh mă 'mêm kơeng.

II Kor 10:14

Tơdrong nhôn bơtho iĕm dang ei ưh kơ sĭ nhôn pơhloh kơ 'Bok Kei-Dei chơchă kơdih ôh, tơdrong nhôn bơtho iĕm âu 'Bok Kei-Dei pơjao kơ nhôn, na nhôn năm bơtho iĕm tơdrong 'nao 'lơ̆ng Yêsu Krist đơ̆ng sơ̆ boih, ưh tam đei bu nai bơtho adrol kơ lu nhôn.

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.

Kôlôsê 1:22

Mă dang ei đei Yêsu Krist ăn akâu Sư kơdih lôch tang bơ̆n na iĕm jing hiôk hơiă hăm 'Bok Kei-Dei boih. Sư pơm thoi noh Sư dang pơjao lu iĕm kơ 'Bok Kei-Dei khan iĕm bơngai 'lơ̆ng tơpăt ưh pă đei tơdrong yoch boih.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Kôlôsê 4:12

Êpapra sư bơngai pôm pơlei hăm iĕm, sư kư̆m jang tơdrong Yêsu Krist na sư wă jet gia iĕm tơ âu. Sư krao khan apinh 'Bok Kei-Dei tơgŭm iĕm ling-lang, wă kơ iĕm lui kơjăp păng hlôh băt tôm tơdrong 'Bok Kei-Dei na pơm kiơ̆ hloi.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.