Kôlôsê 1:27 - Sơ̆p Hlabơar Nơ̆r 'Bok Kei-Dei

²⁷ Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 1:27 Iomraidhean Croise

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Luka 17:21

Ưh kơ đei bu gơh khan: 'Noh, 'Bok Kei-Dei pơgơ̆r boih, yua kơ 'Bok Kei-Dei pơgơ̆r lăm jơhngơ̆m bơ̆n.”

Yo 14:17

Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Yo 6:56

Bơngai bu sa sĕch akar Inh păng huch sa pham Inh, bơngai 'noh sư oei păng Inh, Inh oei lăm sư.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Rom 8:10

Kră Yang Yêsu Krist dang ei Sư oei lăm akâu bơ̆n, mă khan akâu bơ̆n lôch. Tơdrong lôch yua kơ đơ̆ng yă 'bok bơ̆n pơm yoch sơ̆. Mă-lei ning-mônh bơ̆n gô đei tơdrong arih ling-lang yua kơ 'Bok Kei-Dei jô̆ bơ̆n dang ei bơngai 'lơ̆ng hăm Sư boih.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

I Kor 3:16

Iĕm hăm băt ưh, đĭ dôm bơngai lui tơ Pơlei Kôrintô iĕm âu dang minh pôm hnam 'Bok Kei-Dei yua kơ kiơ? Yua kơ Yang Bơhngol 'Lơ̆ng oei lăm iĕm.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 4:19

Ơ lu kon inh mă 'mêm kơeng, inh wă pơtih gia kơ minh 'nu bơngai drŏ-kăn sư wă tơpŭ kơ kon sư, sư sơ'ngon tơpă mơ̆n, yua kơ sư jĭ. Hlôi sư tơpŭ boih na sư gơh hiôk. Inh kư̆m lei-lăi thoi noh mơ̆n, kơplah iĕm 'nao wă pơtơm lui sơ̆ păng dang ei mơ̆n. Inh sơ'ngon tơpă, inh hli kơ iĕm achăng lê̆ tơdrong lui iĕm. Inh wă kơ iĕm lui kiơ̆ Yêsu Krist trŏ thoi Sư wă 'mơ̆i na inh gơh hiôk chơt.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.