Kôlôsê 1:24 - Sơ̆p Hlabơar Nơ̆r 'Bok Kei-Dei

²⁴ Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 1:24 Iomraidhean Croise

Markôs 10:39

Bre sư khan: “Nhi chu kĕ.” Yêsu khan dơ̆ng kơ bre sư: “Biĕm gô iŏk tơdrong anat thoi Inh wă iŏk. Biĕm gô chu lôch thoi Inh gô chu lôch mơ̆n.”

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Rom 5:3

Mă bơ̆n đei tơdrong gleh pơmat-tat bơ̆n kư̆m hiôk chơt, yua kơ tơdrong pơmat-tat noh wă hơmet tơdrong lui bơ̆n kơjăp khŏm khŏm.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 12:27

Akâu bơ̆n noh wă pơtih gia kơ dôm lu bơngai mă pơgơ̆p minh jơhngơ̆m minh đon hăm Yêsu Krist, na rim kơ chăl noh pơgơ̆p jing minh pôm akâu bơngai đĕch.

II Kor 12:15

Inh kư̆m hiôk mơ̆n mă inh pơhuach jên tơmam pơlap akâu kơdih yua kơ inh wă kơ iĕm lui kơjăp. Inh 'mêm kơ iĕm tơpă, bĭ iĕm ưh pă 'mêm kơ inh boih hă?

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

II Kor 7:4

Inh lui kơ iĕm gô pơm trŏ tôm tơdrong ling-lang, inh kư̆m roi pơang tơdrong iĕm kơ đe. Jơhngơ̆m inh hiôk dêh yua kơ inh kơtơ̆ng ang tơdrong iĕm boih; mă khan nhôn đei tơdrong truh pơmat-tat dang âu dang noh, nhôn ưh pă sơ'ngon tơdrong kiơ boih.

Êphêsô 1:23

na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Philip 3:10

Inh wă gơnang kơ Sư đĕch, Sư mơsêh mơyang tơpă, Sư iung arih đơ̆ng lôch boih. Yua kơ thoi noh na inh chu iŏk tơdrong pơmat, chu iŏk tơdrong lôch thoi Sư. Tơdrong lôch wă khan tơdrong so inh lê̆ đĭ boih, ưh pă 'bơ'blŏk dơ̆ng.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Ya 1:2

Ơ lu 'nhŏng oh inh, mă iĕm đei tơdrong gleh kiơ truh kơ iĕm, iĕm athei hiôk đĕch hŏ,