Kôlôsê 1:21 - Sơ̆p Hlabơar Nơ̆r 'Bok Kei-Dei

²¹ Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Kôlôsê 1:21 Iomraidhean Croise

II Sam 22:24

Kră Yang băt kơ inh chu kiơ̆ tôm tơdrong Sư. Păng inh bơwei akâu kơdih ưh kơ pơm kơnê̆.

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Rom 1:30

pơjăm pơjuă dih băl. 'Bok Kei-Dei Sư Kră Yang, bơ̆n kư̆m areh kơ Sư mơ̆n. Bơ̆n bơngai hơwĕng dêh, bơ̆n pơ'brơh kơ đe, bơ̆n pơang akâu kơ đe, jơhngơ̆m bơ̆n 'bĕnh kơ tơdrong kơnê̆ ling-lang. Mĕ 'bă kơdih kư̆m ưh kơ băt kơ chu yom.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 2:15

Yua kơ akâu Sư kơdih lôch tang đĭ-đăng kơ bơ̆n, mă bơngai Juđê, mă bơngai nai, na tơdrong juăt sơ̆ mă pơm kơ bơ̆n tơklah băl, dang ei ưh pă kăl kơ tơdrong juăt 'noh dơ̆ng boih; yua kơ tơdrong juăt 'noh sơ̆ pơm kơ bơ̆n tơklah băl jing 'bar khŭl. 'Bar khŭl 'noh sơ̆ dang ei pơm jing minh ưh pă areh băl boih,

Êphêsô 2:19

Thoi noh nhôn lăng iĕm dang ei ưh pă thoi tơmoi nai boih, nhôn lăng iĕm thoi 'nhŏng oh pôm pơlei pơla, yua kơ bơ̆n jing kon 'Bok Kei-Dei ngăl boih.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.