Kôlôsê 1:2 - Sơ̆p Hlabơar Nơ̆r 'Bok Kei-Dei

² chih hơpong kơ iĕm lu kon 'Bok Kei-Dei tơ Pơlei Kôlôssê, lu iĕm bơngai lui kơjăp minh jơhngơ̆m minh đon hăm Yêsu Krist. Inh krao khan apinh 'Bă tơm bơ̆n 'Bok Kei-Dei wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Kôlôsê 1:2 Iomraidhean Croise

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Jang 9:13

Anania tơl: “Ơ Kră Yang Yêsu, inh kơtơ̆ng lơ 'măng boih Sôl âu dah kiơ pơm kơnê̆ kơ lu bơngai lui kơ Ih tơ Pơlei Jêrusalem?

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

Galati 1:3

Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Galati 3:9

Kơlih kơ Abraham lui păng gơnang kơ 'Bok Kei-Dei tơpă, na 'Bok Kei-Dei tơgŭm sư tơpă mơ̆n. Thoi noh na dôm lu bơngai lui păng gơnang kơ 'Bok Kei-Dei, 'Bok Kei-Dei kư̆m wă tơgŭm lu sư lei-lăi thoi noh mơ̆n.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Êphêsô 6:21

'Bok mă chĕp ăn kơ iĕm hla kơthơ âu anăn sư Tisĭk, sư 'nhŏng oh bơngai lui bơ̆n. Bơ̆n 'mêm kơ sư mơ̆n yua kơ bơ̆n 'bôh sư adrin jang tơdrong Kră Yang Yêsu Krist tơpă. Na sư gô tơbăt ăn kơ iĕm tôm tơdrong inh oei 'lơ̆ng akâu hăm inh jang tơdrong 'Bok Kei-Dei thoi yơ dang ei na iĕm gô băt.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

II Pet 1:2

Inh apinh 'Bok Kei-Dei wei-lăng iĕm hiôk-hian wă kơ iĕm lui rai kơjăp, yua kơ iĕm băt kơnăl kơ Sư, hăm băt kơnăl kơ Kră Yang bơ̆n Yêsu Krist.

Ju 1:2

Inh krao khan apinh 'Bok Kei-Dei ăn kơ iĕm rai đunh rai băt tơdrong Sư 'mêm mơnat kơ iĕm, hăm ăn kơ iĕm rai đunh rai hiôk chơt.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;