Kôlôsê 1:18 - Sơ̆p Hlabơar Nơ̆r 'Bok Kei-Dei

¹⁸ Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

Kôlôsê 1:18 Iomraidhean Croise

Horiso 89:27

Inh gô ăn kơ sư jing kon kơdră drŏ-nglo Inh, jing pơtao tih hloh kơ đĭ-đăng pơtao lăm teh âu.

Hơri Hiôk 5:10

Pơyô inh noh 'lơ̆ng 'bak 'breo. 'Lơ̆ng guăng hloh kơ lăm mơjĭt-rơbâu 'nu tơdăm.

Êsai 52:13

Âu, đĭch đam Inh gô pơm hăm tơdrong gơh hơgei; đe gô pơư, tơiung pơyom, đe gô pôk hơtŏk.

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Yo 1:1

Đei minh 'nu Sư dang nơ̆r 'Bok Kei-Dei, Sư jur tơ bơ̆n wă kơ bơ̆n hlôh tơdrong 'Bok Kei-Dei. Đơ̆ng blŭng-a sơ̆ tam đei plĕnh teh, Sư đei boih. Sư oei hơdai păng Kră Yang 'Bok Kei-Dei, mă Sư kư̆m Kră Yang 'Bok Kei-Dei mơ̆n.

Yo 1:16

Sư 'mêm mơnat đĭ-đăng kơ bơ̆n, pơklaih bơ̆n đơ̆ng tơdrong yoch păng tơgŭm bơ̆n lăm tôm tơdrong tơpă.

Yo 1:27

Sư boih 'Bok mă truh đơ̆ng rŏng kơ inh, Sư 'Bok tih hloh kơ inh tơpă. Mă khan athei inh yaih ăn tơlei chơkhŏ Sư, inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Kor 12:27

Akâu bơ̆n noh wă pơtih gia kơ dôm lu bơngai mă pơgơ̆p minh jơhngơ̆m minh đon hăm Yêsu Krist, na rim kơ chăl noh pơgơ̆p jing minh pôm akâu bơngai đĕch.

I Kor 15:25

'Bok Kei-Dei ăn kơ Yêsu pơgơ̆r truh tơ Sư blah rôp ba dôm lu bơngai mă ayăt kơ Yêsu lê̆ tơ kơnơl jơ̆ng Sư.

Êphêsô 5:23

Yua kơ klo iĕm sư trŏ kơ pơgơ̆r iĕm kư̆m thoi Yêsu Krist pơgơ̆r lu bơngai lui kơ Sư; Yêsu Krist Sư ăn akâu Sư kơdih pơklaih lu bơngai lui kơ Sư.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 2:19

Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

I Yo 1:1

Nhôn chih roi kơ iĕm gah tơdrong Yêsu Krist. Sư dang nơ̆r 'Bok Kei-Dei yua kơ Sư tơbăt ăn kơ bơ̆n tơdrong 'Bok Kei-Dei wă kơ bơ̆n arih ling-lang. Sư arih adrol kơ 'Bok Kei-Dei pơjing plĕnh teh sơ̆. Nhôn kơtơ̆ng Sư pơma. Nhôn 'bôh Sư păng măt nhôn kơdih păng ti nhôn mơn pel akâu Sư tơpă.

Tơdrông Tơ'bôh 1:18

Inh arih ling-lang, Inh boih 'Bok mă lôch minh 'măng sơ̆, dang ei ưh pă layơ wă lôch dơ̆ng. Inh đei khuă gơh pơih 'măng lu bơngai lôch ăn kơ sư iung arih dơ̆ng.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Tơdrông Tơ'bôh 22:13

Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu: