Kôlôsê 1:10 - Sơ̆p Hlabơar Nơ̆r 'Bok Kei-Dei

¹⁰ Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:10 Iomraidhean Croise

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Da 12:4

Bê̆ gah ih, ơ Đaniel ih athei chih răk lê̆ nơ̆r âu păng athei pơ̆ng pơklep lê̆ sơ̆p hla bơar âu dĭng truh tơ năr tôch. Đei lơ bơngai yak nơnăm to âu păng tơdrong hŏk hơgei gô rai tŏk rai lơ.

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:8

Dah iĕm đei plei trem iĕm bơngai kiơ̆ Inh tơpă păng đe gô 'bôh iĕm pơm thoi noh na đe ư-ang kơ 'Bă Inh tơpă.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 4:12

Khŭl mă 'bar wă khan lu bơngai mă kăt tơdra akar, 'Bok Kei-Dei jô̆ lu sư bơngai 'lơ̆ng tơpăt mơ̆n, yua kơ lu sư lui kơjăp thoi 'bok Abraham bơ̆n lui adrol kơ sư kăt tơdra akar sơ̆.

Rom 6:4

Đe pơm 'batem kơ bơ̆n tơmôch bơ̆n lăm đak, noh dang đe 'bŭ bơ̆n minh pôm bong hăm Sư boih. Na 'Bok Kei-Dei yua mơsêh mơyang Sư tơiung arih Yêsu Krist đơ̆ng lôch, noh wă khan bơ̆n đei tơdrong arih 'nao ưh pă kiơ̆ tơdrong so dơ̆ng.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 5:9

Thoi noh na, mă nhôn oei đei akâu so truh kơ Sư jur, dah lôch hơdrol, kư̆m bưh mơ̆n, nhôn kư̆ kơ adrin pơm trŏ đĕch wă kơ Sư lăp đon,

II Kor 9:8

'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 4:13

Đĭ-đăng kơ bơ̆n jing pôm đon yua kơ minh tơdrong lui băt kơdih kơdih tơdrong Yêsu Kon 'Bok Kei-Dei, na bơ̆n gô jing bơngai wơ̆ tôch tơ̆l thoi Yêsu.

Êphêsô 5:10

Iĕm athei chă dôm tơdrong 'Bok Kei-Dei lăp đon noh.

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Kôlôsê 2:19

Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

Kôlôsê 2:6

Iĕm lui boih kơ Kră Yang Yêsu Krist, iĕm athei gơnang kơ Sư, na tơdrong lui iĕm pơm kiơ̆, trŏ thoi Sư wă.

Kôlôsê 3:20

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm lăm tôm tơdrong yua kơ iĕm lui boih kơ Kră Yang Yêsu Krist. 'Bok Kei-Dei Sư lăp đon thoi noh.

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

Tit 3:1

Ih tơ'blŏk ăn kơ lu buăl lui athei sư lui yom kơ dôm lu kră pơgơ̆r; păng dôm tơdrong 'lơ̆ng sư wơh wă kơ bơ̆n pơm, bơ̆n athei pơm mă tơpă.

Tit 3:14

Ih khan kơ lu bơngai lui kơchăng gah tơdrong 'lơ̆ng ling-lang păng mơnat ăn kơ lu bơngai dơnuh hin tơmam. Thoi âu boih tơdrong jang bơ̆n yua.

Hêbrơ 11:5

'Bok Ênŏk sơ̆ kư̆m lei-lăi, sư đei đon lui na 'Bok Kei-Dei atŏk sư tơ plĕnh đơ̆ng sư oei arih, na đe chă sư ưh kơ 'bôh yua kơ 'Bok Kei-Dei iŏk sư boih. Hơdrol kơ 'Bok Kei-Dei wă iŏk sư, 'Bok Kei-Dei băt kơ sư đei đon lui na 'Bok Kei-Dei lăp đon wă iŏk sư.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.

II Pet 1:8

Dah iĕm adrin pơm kiơ̆ dôm tơdrong noh tơpă, iĕm gô hlôh tơpă dôm tơdrong Kră Yang bơ̆n Yêsu Krist. 'Noh iĕm jing bơngai yua kơ tơdrong jang Sư boih.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

I Yo 3:22

Bơ̆n gĭt tơdrong kiơ, bơ̆n krao khan apinh 'Bok Kei-Dei, Sư gô asong ăn kơ bơ̆n tơpă, kơlih kơ bơ̆n răk dôm tơdrong Sư pơkă păng pơm trŏ dôm tơdrong thoi Sư wă.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

III Yo 1:6

Lu sư roi kơ lu bơngai lui tơ hnam akŭm nhôn mơ̆n khan ih 'mêm mơnat kơ lu sư. Na dang ei lu sư năm chă bơtho đe dơ̆ng. Apinh ih mơnat ăn kơ lu sư tơmam dơ̆ng hŏ, wă kơ lu sư gơh năm chă bơtho đe. 'Bok Kei-Dei lăp đon tơpă ih pơm thoi noh.