Ju 1:24 - Sơ̆p Hlabơar Nơ̆r 'Bok Kei-Dei

²⁴ Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Ju 1:24 Iomraidhean Croise

Horiso 21:6

Ih ăn kơ sư pŭn hiôk ling-lang, Pơm ăn kơ sư chơt hiôk 'bơ̆t anăp Ih.a

Horiso 43:4

Dang ei inh gô năm truh tơ anih Chơnang soi kơ Kră Yang 'Bok Kei-Dei. Wă khan truh tơ Kră Yang 'Bok Kei-Dei, noh boih tơdrong mă inh chơt hiôk 'nă hal, Ơ Kră Yang, Kră Yang 'Bok Kei-Dei inh, Inh gô iŏk brŏ reh bơnê ư-ang kơ Ih.

Lêwi 14:11

'Bok soi tơ'ngla mă pơm rơgoh kơ sư, gô chông ba bơngai mă wă kơ rơgoh noh păng dôm lu tơmam noh 'bơ̆t anăp Kră Yang, năm tơ Bơsŭn Anih Akŭm.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 5:12

'Noh kư̆m thoi đe pơm kơnê̆ kơ lu bơngai pơtruh nơ̆r 'Bok Kei-Dei kră sơ̆ thoi noh mơ̆n. Na dang ei iĕm chhôk ngă 'nă hal bĕ, yua kơ tơ Pơlei 'Lơ̆ng kơnh 'Bok Kei-Dei wă apah iĕm tơpă.

Luka 9:26

Ning-mônh Inh Kon Bơngai gô jur tơ ala teh âu dơ̆ng, hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu khan sư kiơ̆ Inh boih, mă-lei sư kơdơ̆ mơlâu kơ đe na kuă kơ bơtho kơ đe tơdrong Inh, năr 'noh kơnh Inh kư̆m kuă kơ sư mơ̆n.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

II Kor 11:2

Inh gar 'mêm kơ iĕm kư̆m thoi 'Bok Kei-Dei gar; inh pơjao iĕm kơ Yêsu Krist, thoi bơngai kơdranh pơjao minh 'nu adruh 'lơ̆ng tơpăt kơ pơyô sư tơdăm kư̆m 'lơ̆ng tơpăt.

II Kor 4:14

Nhôn băt kơ 'Bok Kei-Dei tơiung arih Yêsu Krist, Sư gô tơiung arih nhôn mơ̆n thoi Sư tơiung arih Yêsu Krist. Klaih kơ noh Sư gô anhăk nhôn hăm iĕm oei hơdai Sư.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Kôlôsê 1:22

Mă dang ei đei Yêsu Krist ăn akâu Sư kơdih lôch tang bơ̆n na iĕm jing hiôk hơiă hăm 'Bok Kei-Dei boih. Sư pơm thoi noh Sư dang pơjao lu iĕm kơ 'Bok Kei-Dei khan iĕm bơngai 'lơ̆ng tơpăt ưh pă đei tơdrong yoch boih.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Kôlôsê 3:4

Tơ̆ng bơ̆n băt kơ Yêsu Krist ăn kơ bơ̆n arih thoi Sư, lei ning-mônh bơ̆n gô 'bôh Sư jur tơ bơ̆n, bơ̆n gô oei hơdai hăm Sư hiôk jơnap ling-lang.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

Ya 2:10

Yua kơ Sư athei bơ̆n kiơ̆ tôm kơ tơdrong juăt Sư pơkă, mă-lei tơ̆ng bu tŭk minh nơ̆r đĕch Sư kư̆m jô̆ yoch boih, lei-lăi thoi lu bơngai mă tŭk đĭ dôm nơ̆r Sư pơkă.

I Pet 4:13

Na iĕm athei gơ̆t lê̆ tơdrong sơ'ngon, iŏk tơdrong hiôk chơt đĕch, yua kơ Yêsu Krist sơ̆ Sư kư̆m đei tơdrong gleh truh boih. Na bơ̆n dang ei kư̆m đei tơdrong truh thoi noh mơ̆n. Thoi noh na truh năr bơ̆n tơ'bơ̆p Yêsu Krist mơsêh mơyang jur ning-mônh bơ̆n gô hiôk chơt hăm Sư.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

Ju 1:21

Iĕm athei kơchăng kơ akâu iĕm kơdih, na iĕm oei 'bôh tơdrong 'Bok Kei-Dei 'mêm kơ iĕm ling-lang. Păng bơ̆n athei chang gô tơdrong Kră Yang Yêsu Krist wă ăn kơ bơ̆n arih ling-lang ei, yua kơ Yêsu Krist 'mêm kơ bơ̆n.

Tơdrông Tơ'bôh 14:5

'Bok Kei-Dei 'bôh lu sư ling-lang pơma 'lơ̆ng ưh kơ đei pơma hơlĕnh hơya tŏ sĕt, yua kơ lu sư jing bơngai rơgoh 'lơ̆ng boih.