Ju 1:23 - Sơ̆p Hlabơar Nơ̆r 'Bok Kei-Dei

²³ Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.

Ju 1:23 Iomraidhean Croise

Tơdrông Pơđơk 7:8

Sư năm rok trong drong weh tơ hnam drŏ-kăn đi. Sư yak tơklă wă mơ̆t tơ hnam drŏ-kăn đi.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Nhom 4:14

Lu sư yak rok trong thoi bơngai măt tol; đơ̆ng pham đe mă lu sư pơm kơnê̆. Dĭng mah pă đei bu pơ̆n pel ao tai lu sư.

Lêwi 14:47

Bu 'bĭch dah sŏng sa lăm hnam noh athei pih hơbĕn ao sư.

Lêwi 15:17

Đĭ-đăng hơbĕn ao păng đĭ-đăng akâu akar sư đêl 'bơm đak kơtăk lĕch noh, athei pih hum hơrao 'nhao hơpĕch lăm đak păng gô jing kơnê̆ 'mê̆-'mach truh kơmăng.

Am 4:11

Inh đei pơrăm boih mơ'nah lăm lu iĕm, thoi Kră Yang 'Bok Kei-Dei đei pơrăm pơlei Sôđôm păng Gômôrơ, lu iĕm nhen thoi kơ tôch ŭnh sa đe dui iŏk đơ̆ng ŭnh. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Rom 11:14

wă kơ lu bôl inh bơngai Isơrael 'nhĕng iĕm, na lui kiơ̆ iĕm, klaih kơ tơdrong yoch thoi iĕm.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

I Kor 3:15

Dah ŭnh sa hnam bơ̆n noh, lei 'Bok Kei-Dei ưh kơ đei apah bơ̆n ôh, mă-lei bơ̆n kư̆m klaih đơ̆ng tơdrong phak mơ̆n, yua kơ bơ̆n thoi lĕ kơ bơngai đe dŏng đơ̆ng hnam ŭnh sa noh boih.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

II Tes 3:14

Dah bơngai bu ưh kơ chu dôm nơ̆r nhôn chih bơtho lăm kơthơ âu, iĕm tơ'bôh akâu sư kơ lu bơngai lui păng 'nĕ pă pơm buăl hăm sư wă kơ sư mơlâu.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

II Yo 1:11

Dah bơngai bu khan kơ sư khan: Yak mă 'lơ̆ng kơ ih, bơngai 'noh dang tơgŭm sư pơm dôm tơdrong kơnê̆.

Ju 1:22

Lu bơngai mơ'nah lui rơdu, 'bônh lui kơ đe pơhlŭ pơlung sư, na iĕm athei bơtho pơlung sư lui mă kơjăp.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.