Ju 1:13 - Sơ̆p Hlabơar Nơ̆r 'Bok Kei-Dei

¹³ Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Ju 1:13 Iomraidhean Croise

Horiso 65:7

Ih khă lu jơwa đak dơsĭ poh-yă kial hơbŭt ngăn hreh. Păng tơdrong kon pơlei iung pơm kơnê̆.

Êsai 57:20

Mă-lei lu bơngai kơnê̆ nhen thoi đak dơsĭ poh-yă ưh kơ gơh pơdơh hreh, đak dơsĭ tơdrŏ, teh trôk đông tŏk.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

II Tim 3:13

Lu bơngai đon kơnê̆, lu bơngai chă pơngiĕl đe, lu sư rai đunh rai răm rai lơ tơdrong lu sư pơm kơnê̆. Sư pơma hơlĕnh kơ đe, đe hơlĕnh tơwih kơ sư, sư kư̆m lui mơ̆n.

II Pet 2:17

Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”