Ju 1:1 - Sơ̆p Hlabơar Nơ̆r 'Bok Kei-Dei

¹ Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Ju 1:1 Iomraidhean Croise

Mathiơ 10:3

Đơ̆ng noh lu đe Philip hăm 'Barthôlêmi; Thôm hăm Mathiơ, bơngai mă iŏk jên thuê̆ sơ̆; Yakơ kon Alphê hăm Thađê;

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Markôs 3:18

Đơ̆ng noh lu đe Andrê, Philip, 'Barthôlêmi, Mathiơ, Thôm, Yakơ kon Alphê, Thađê, Simôn mă kiơ̆ khŭl đe Sêlôt sơ̆;

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 6:16

Juđa kon Yakơ bơngai nai păng Juđa Ikariôt, bơngai mă plơ̆ plĕch kơ Yêsu.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 14:22

Juđa mă ưh kơ sĭ Juđa Ikariôt sư jet Yêsu: “Ơ 'Bok, kơlih kơ kiơ Ih tơbăt kơ nhôn akâu Ih, mă lu bơngai ala teh âu Ih ưh kơ tơbăt ăn kơ lu sư?”

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 17:15

Inh ưh kơ apinh Ih iŏk lu sư đơ̆ng ala teh âu ôh, Inh apinh Ih wei-lăng lu sư mă kơjăp wă kơ lu sư hlôi đơ̆ng yang kơnê̆ Satan.

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Yo 6:39

'Bă Inh mă wơh Inh Sư wă kơ Inh huay kơ tơhiong dôm lu bơngai mă Sư pơjao ăn kơ Inh. Na truh năr tôch ning-mônh Inh gô tơiung arih lu sư.

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 1:6

Na 'Bok Kei-Dei krao iŏk iĕm bơngai Rôm, wă kơ iĕm lui kơ Yêsu Krist mơ̆n.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 8:30

Lu bơngai thoi noh 'Bok Kei-Dei rơih iŏk, Sư jô̆ lu bơngai thoi noh bơngai tơpăt hăm Sư. Lu bơngai noh 'Bok Kei-Dei jô̆ jing kon Sư, gô oei hăm Sư hiôk jơnap.

Rom 9:24

Lu bơngai noh wă khan lu bơ̆n âu boih Sư rơih iŏk. Ưh kơ sĭ Sư rơih iŏk pôm lu bơngai Isơrael đĕch ôh, Sư rơih iŏk lu bơngai nai hai.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

I Tes 5:23

'Bok Kei-Dei ăn kơ bơ̆n hiôk-hian ling-lang. Na nhôn apinh Sư ăn kơ iĕm jing bơngai 'lơ̆ng tơpăt lăm tôm tơdrong thoi Sư wă. Păng nhôn apinh Sư wei-lăng bơhngol iĕm, jơhngơ̆m đon iĕm, akâu jăn iĕm, wă kơ iĕm huay kơ đei tơdrong yoch, truh Kră Yang Yêsu jur tơ teh ning-mônh.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

II Tim 4:18

Păng Sư gô dŏng inh đơ̆ng dôm tơdrong kơnê̆ na atŏk inh tơ dêh char Sư tơ plĕnh. Thoi noh inh wă ư-ang kơ Sư ling-lang ưh kơ layơ hiơt. A-men.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

Ju 1:21

Iĕm athei kơchăng kơ akâu iĕm kơdih, na iĕm oei 'bôh tơdrong 'Bok Kei-Dei 'mêm kơ iĕm ling-lang. Păng bơ̆n athei chang gô tơdrong Kră Yang Yêsu Krist wă ăn kơ bơ̆n arih ling-lang ei, yua kơ Yêsu Krist 'mêm kơ bơ̆n.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.