Jôsuê 9:9 - Sơ̆p Hlabơar Nơ̆r 'Bok Kei-Dei

⁹ Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.

Jôsuê 9:9 Iomraidhean Croise

I Pot 8:41

Gah lu tơmoi nai lu sư ưh kơ lăm lu bơngai Isơrael Ih, mă-lei yua kơ anăn Ih lu sư đơ̆ng dêh ataih truh,

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Horiso 148:13

Ăn kơ lu sư hơri ư-ang kơ anăn Kră Yang. Yua kơ lăp minh anăn Sư đĕch mă trŏ kơ pơyom. Tơdrong ư-ang Sư kơjung hloh kơ đĭ-đăng teh đak păng plĕnh.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 78:12

Kră Yang đei pơm boih dôm tơdrong hlĭch chrơp 'bơ̆t anăp 'bok lu sư. Tơ lăm char Êyiptơ, lăm anih thŭng dơnă Sôan.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 15:14

Lu adrĕch bơngai tơmoi, lu sư hli tơtơ̆. Kon pơlei Philistin hli krưp tih tơpă.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Jo 14:15

Tơdah Ih pơlôch đĭ kon pơlei adrĕch 'nâu, minh 'măng, na lu dêh char nai mă kơtơ̆ng boih gah lu sư khan:

Jo 20:14

Đơ̆ng pơlei Kades, Môis wơh bơngai năm roi tơbăt ăn kơ pơtao Eđôm thoi âu: Isơrael noh oh ih, đei khan thoi âu: Ơ pơtao ih băt boih đei tơdrong pơmat-tat truh kơ lu nhôn,

Jang 8:7

Philip pơklaih lu bơngai yang mơ̆t. Lăp Philip pơklaih bơngai yang kơnê̆ mơ̆t ei, na yang ei pơret kơdâu hloi jăk tơ nai. Sư kư̆m đei pơklaih lơ bơngai kue jo mơ̆n.

Both 20:11

Tơdah pơlei noh tơl rơngơp păng pơih ăn 'măng jang kơ lu iĕm, lei đĭ-đăng kon pơlei noh gô pơm đĭch păng bơ̆jang kơ iĕm.

Both 20:15

Lu iĕm athei pơm thoi noh mơ̆n hăm lu pơlei mă oei ataih dêh đơ̆ng iĕm, mă ưh kơ trŏ pơlei lu adrĕch 'nâu.

Jôsuê 9:10

Păng kơtơ̆ng dôm tơdrong Kră Yang pơm boih kơ 'bar 'nu pơtao Amôrit, oei gah hơlĕch kơ đak Krong Jôrđăn, Sihôn pơtao Hesbôn păng Ok pơtao char Basan pơgơ̆r tơ Astarôt.

Jôsuê 9:16

Đơ̆ng rŏng kơ pêng năr, wă đang pơgơ̆p hăm bơngai Gibeôn, kon pơlei Isơrael băt, kơ lu bơngai âu tơring kơdih oei jê̆ lu sư.

Jôsuê 9:17

Kon pơlei Isơrael yak năm năr mă pêng truh tơ pơlei lu sư, pơlei Gibeôn, Kêphira, Bêrôt păng Kiriat, Jêrim.

Jôsuê 9:24

Lu sư tơl Jôsuê. Noh tơdrong mă lu đĭch đam ih băt hơđăl boih, Kră Yang 'Bok Kei-Dei iĕm đei khan kơ Môis, đĭch đam Sư gô ăn đĭ char âu kơ lu iĕm păng gô pơlôch đĭ-đăng kon pơlei 'bơ̆t anăp iĕm, na lu nhôn hli dêh, kơ iĕm pơrăm tơdrong arih lu nhôn, lei na lu nhôn pơm thoi noh.