Jôsuê 9:8 - Sơ̆p Hlabơar Nơ̆r 'Bok Kei-Dei

⁸ Mă-lei lu sư khan kơ Jôsuê: “Lu nhôn đĭch đam ih,” Jôsuê jet, “Lu iĕm bu? Đơ̆ng yơ?”

Jôsuê 9:8 Iomraidhean Croise

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

Both 20:11

Tơdah pơlei noh tơl rơngơp păng pơih ăn 'măng jang kơ lu iĕm, lei đĭ-đăng kon pơlei noh gô pơm đĭch păng bơ̆jang kơ iĕm.

Jôsuê 10:6

Kon pơlei bơngai Gibeôn wơh bơngai năm tơ Jôsuê lăm anih lu sư oei pơdơh tơ Gilgal: Apinh ih 'nĕ kơ achăng lê̆ đĭch đam ih, jah năm mă tĕnh bĕ dŏng pơklaih lu nhôn. Tơgŭm lu nhôn, yua kơ đĭ-đăng pơtao Amôrit oei lăm char groi kông wă năm blah lu nhôn.

Jôsuê 9:11

Lu kră pơlei nhôn hăm đĭ-đăng lu kon pơlei mă oei lăm char nhôn khan kơ lu nhôn. Iŏk hơmet ba bĕ tơmam sa yak kơ trong, năm tơ'bơ̆p lu sư păng khan: Lu nhôn jing đĭch đam iĕm, dang ei bĕ bơ̆n pơm tơdrong pơgơ̆p băl.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

Jôsuê 9:25

Dang ei lu nhôn oei lăm tơpang ti iĕm, mơ̆ng kơ iĕm wă pơm kơ lu nhôn, kiơ̆ kơ iĕm lăng 'lơ̆ng dah trŏ.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.