Jôsuê 9:7 - Sơ̆p Hlabơar Nơ̆r 'Bok Kei-Dei

⁷ Mă-lei kon pơlei Isơrael tơl lu bơngai Hêwit: Băt lu iĕm oei jê̆ lu nhôn. Pơm liơ bơ̆n gơh pơgơ̆p băl?

Jôsuê 9:7 Iomraidhean Croise

Bl 10:17

Adrĕch Hêwit, Arêkit, adrĕch Sênit.

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

II Sam 24:7

Lu sư năm truh tơ pơlei Tirơ, minh pôm pơlei tih kơjăp, păng năm jơ̆p kơ pơlei bơngai Hêwit păng bơngai Kanaan. Tuch-luch, lu sư năm truh tơ pơlei Bêrsêba gah tơring teh glă gah gơal lăm dêh Juđa.

Le 23:22

Mă-lei tơdah iĕm mơ̆ng kiơ̆ nơ̆r sư păng pơm kiơ̆ dôm nơ̆r Inh bơtho khan, na Inh gô ayăt kơ lu bơngai ayăt kơ iĕm.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Jo 33:52

Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

Both 20:16

Mă-lei lăm pơlei lu adrĕch 'nâu, mă Kră Yang 'Bok Kei-Dei ăn boih kơ iĕm bơ̆jang sa, na iĕm athei pơlôch đĭ sem kiơ dui jơhngơ̆m.

Jôsuê 11:19

'Nguaih kơ lu bơngai Hêwit oei tơ lăm pơlei Gibeôn đĕch, ưh kơ đei kon pơlei ayơ wă pơgơ̆p hơdai hăm kon pơlei Isơrael, kon pơlei Isơrael yua tơdrong tơblah 'mơ̆i na gơh rôp lu sư.

Jôsuê 9:1

Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

Lu 3:3

Đei pơđăm 'nu pơm yŏng pơgơ̆r kon pơlei Philistin, đĭ-đăng lu kon pơlei Kanaan kon pơlei Siđôn păng kon pơlei Hêwit oei tơ lăm lu kông Liban, đơ̆ng kông Baal Hermôn truh tơ pơlei Lêbơ Hamat.