Jôsuê 9:6 - Sơ̆p Hlabơar Nơ̆r 'Bok Kei-Dei

⁶ Lu sư năm truh tơ Jôsuê lăm anih tơ Gilgal. Lu sư khan pơma hăm Jôsuê păng lu bơngai Isơrael: Lu nhôn bơngai đơ̆ng dêh ataih, na dang ei apinh lu iĕm hăm bơ̆n pơgơ̆p băl.

Jôsuê 9:6 Iomraidhean Croise

I Pot 8:41

Gah lu tơmoi nai lu sư ưh kơ lăm lu bơngai Isơrael Ih, mă-lei yua kơ anăn Ih lu sư đơ̆ng dêh ataih truh,

II Pot 20:14

Na Êsai bơngai khan lê̆ adrol năm tơ pơtao Hesekia păng jet sư: “Lu bơngai noh, roi tơdrong kiơ păng lu sư đơ̆ng dêh char ayơ mă năm truh tơ âu?” Hesekia tơl: “Lu sư đơ̆ng dêh ataih, đơ̆ng char Babilôn.”

Jôsuê 10:43

Đơ̆ng noh Jôsuê păng đĭ-đăng linh Isơrael wih brŏk tơ Gilgal.

Jôsuê 10:6

Kon pơlei bơngai Gibeôn wơh bơngai năm tơ Jôsuê lăm anih lu sư oei pơdơh tơ Gilgal: Apinh ih 'nĕ kơ achăng lê̆ đĭch đam ih, jah năm mă tĕnh bĕ dŏng pơklaih lu nhôn. Tơgŭm lu nhôn, yua kơ đĭ-đăng pơtao Amôrit oei lăm char groi kông wă năm blah lu nhôn.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,

Jôsuê 5:10

Kon pơlei Isơrael pơm anih tơ Gilgal lăm Thŭng dơnă pơlei Jêrikô păng pơm giĕng Năm Brih kơplah drơ̆m kơsơ̆, trŏ kơ năr mơjĭt-puăn khei noh.

Jôsuê 9:5

Jơ̆ng lu sư 'bot chơkhŏ so, sĭt klĕp hrŭk ao so hiah hiot, đĭ-đăng tơmam sa lu sư đĭ kro krĕnh đĭ phơ̆k,

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.