Jôsuê 9:25 - Sơ̆p Hlabơar Nơ̆r 'Bok Kei-Dei

²⁵ Dang ei lu nhôn oei lăm tơpang ti iĕm, mơ̆ng kơ iĕm wă pơm kơ lu nhôn, kiơ̆ kơ iĕm lăng 'lơ̆ng dah trŏ.

Jôsuê 9:25 Iomraidhean Croise

Bl 16:6

Abram tơl Sarai thoi âu: “Âu, đam drŏ-kăn noh lăm tơpang ti ih, wă sek thoi yơ, mơ̆ng kơ ih lăp đon.” Na Sarai pơm kơnê̆ kơ Hagar, na Hagar kơdâu jăk đơ̆ng sư.

II Sam 15:26

Mă-lei tơdah Kră Yang khan: ‘Inh ưh kơ lăp kơ ih,’ lei apinh Kră Yang hơmet inh kiơ̆ kơ Kră Yang lăp đon lăng 'lơ̆ng!”

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Je 26:14

Bĕ gah inh, inh âu, lăm tơpang ti lu iĕm, pơm bĕ kơ inh kiơ̆ thoi lu iĕm khan trŏ khan lăp.

Je 38:5

Pơtao Sêđekia khan: “Âu, inh jao sư kơ iĕm; inh pơtao ưh kơ gơh găn lu iĕm ôh.”

Mathiơ 11:26

Ơ 'Bă, Ih pơm thoi noh trŏ tơpă, kiơ̆ thoi Ih lăp đon.

Jôsuê 9:26

Jôsuê pơm kiơ̆ thoi nơ̆r lu sư pơma, pơklaih lu sư đơ̆ng ti lu bơngai Isơrael wă pơlôch.

Lu 10:15

Kon pơlei Isơrael khan kơ Kră Yang: Lu nhôn pơm yoch boih. Apinh ih pơm bĕ kơ lu nhôn kiơ̆ Ih lăng trŏ, na apinh Ih dŏng pơklaih lu nhôn năr 'nâu!

Lu 8:15

Đơ̆ng rŏng kơ noh Giđêôn năm tơ kon pơlei Sukôt na khan: 'Nâu boih Sêba păng Salmuna; yua kơ lu sư na mă lu iĕm pơjăm chrih kơ inh, khan: Ti ih tam rôp pơlôch Sêba păng Salmuna na wă kơ lu nhôn ăn kơ linh kiơ̆ ih gleh lap sa 'bĕng?

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!