Jôsuê 9:21 - Sơ̆p Hlabơar Nơ̆r 'Bok Kei-Dei

²¹ Lu kră wei-lăng Isơrael khan dơ̆ng lê̆ lu sư arih, mă-lei lê̆ lu sư chă kăl 'long ŭnh, chhŏ đak ăn kơ lu khŭl tơpôl. Thoi noh lu sư wei răk nơ̆r lu kră pơgơ̆r khan.

Jôsuê 9:21 Iomraidhean Croise

Je 46:22

Lu sư kơdâu re thoi 'bih hro; yua kơ lu linh ayăt kơ sư truh pran kơtang, chĕp sung năm blah sư, thoi bơngai kăl 'long.

Both 29:10

Năr 'nâu đĭ-đăng kơ lu iĕm oei dơ̆ng 'bơ̆t anăp Kră Yang đei lu yŏng kơdră lăm adrĕch, lu kră pơlei, lu yŏng pơgơ̆r linh păng đĭ-đăng lu drŏ-nglo bơngai Isơrael.

Both 29:11

Lu kon hơ'lơ̆p păng lu akăn iĕm, hăm lu bơngai tơmoi oei lăm kơđông, lu bơngai kăl 'long ŭnh truh tơ lu bơngai chhŏ đak.

Jôsuê 10:1

Adônisêdek, pơtao pơlei Jêrusalem, kơtơ̆ng khan Jôsuê blah iŏk boih pơlei Ahi păng pơrăm pơlôch đĭ, pơm kơ pơlei păng pơtao sư, thoi sư đei pơm kơ pơlei Jêrikô păng kơ pơtao sư păng kư̆m kơtơ̆ng kon pơlei Gibeôn pơgơ̆p hiôk-hian hăm kon pơlei Isơrael boih păng oei hơdai lu sư.

Jôsuê 9:15

Jôsuê pơm tơdrong hiôk păng pơgơ̆p hăm lu sư păng lê̆ lu sư oei arih. Lu kră pơgơ̆r lăm khŭl akŭm pơkă pơkăm hăm lu sư.

Jôsuê 9:20

'Nâu lu bơ̆n athei pơm kơ lu sư thoi âu: Ăn kơ lu sư oei arih, lei Kră Yang huay kơ hil mĭl kơ bơ̆n. Yua kơ lu bơ̆n đei pơkă pơkăm hăm lu sư boih.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.