Jôsuê 9:20 - Sơ̆p Hlabơar Nơ̆r 'Bok Kei-Dei

²⁰ 'Nâu lu bơ̆n athei pơm kơ lu sư thoi âu: Ăn kơ lu sư oei arih, lei Kră Yang huay kơ hil mĭl kơ bơ̆n. Yua kơ lu bơ̆n đei pơkă pơkăm hăm lu sư boih.

Jôsuê 9:20 Iomraidhean Croise

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Tơdrông Pơđơk 20:25

Pơm hơđong kơ bơngai bu mă pơkă wă pơyơ̆r tơmam kiơ hăt hot. Đơ̆ng rŏng kơ pơkă na mă tơchĕng lăng.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Rom 1:31

Bơ̆n pơm tôm tơdrong kơnê̆ kư̆ kă, đon bơ̆n jing ưh kơ tơpăt nŏng kơ hơlĕnh kơ đe ling-lang, ưh kơ băt mơnat kơ bôl buăl tŏ sĕt.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Jôsuê 9:19

Mă-lei lu kră tơl khan: Lu bơ̆n pơkă pơkăm hăm lu sư pao anăn Kră Yang 'Bok Kei-Dei Isơrael, na dang ei lu bơ̆n ưh kơ gơh hơtŭt pơrăm lu sư.

Jôsuê 9:21

Lu kră wei-lăng Isơrael khan dơ̆ng lê̆ lu sư arih, mă-lei lê̆ lu sư chă kăl 'long ŭnh, chhŏ đak ăn kơ lu khŭl tơpôl. Thoi noh lu sư wei răk nơ̆r lu kră pơgơ̆r khan.