Jôsuê 9:14 - Sơ̆p Hlabơar Nơ̆r 'Bok Kei-Dei

¹⁴ Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.

Jôsuê 9:14 Iomraidhean Croise

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Le 28:30

Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Jôsuê 9:13

Lu get akar kơplah nhôn mong sik hơmu oei 'nao oei hơnĭl, lăng âu đĭ pơchah păng hơbĕn ao, chơkhŏ lu nhôn đĭ so hiah, yua kơ năm trong ataih.

Lu 1:1

Đơ̆ng rŏng kơ Jôsuê lôch, kon pơlei Isơrael krao apinh Kră Yang khan: Bơngai bu lăm lu nhôn athei năm blah păng kon pơlei Kanaan adrol?

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:28

Đei Phinêhas, kon drŏ-nglo Êlêasar sâu Arôn, bơ̆jang 'bơ̆t anăp hom pơgơ̆p noh. Lu sư krao apinh Kră Yang khan: Lu nhôn hăm wă năm tơblah hăm lu 'nhŏng oh nhôn Bênjamin dơ̆ng ưh; dah mă lu nhôn pơdơh 'mơ̆i? Kră Yang tơl: Năm bĕ, yua kơ lăm năr dơning Inh gô pơjao lu sư lăm tơpang ti iĕm,

I Sam 22:10

Ahimelek krao apinh Kră Yang tơgŭm păng đei ăn tơmam sa kơ sư, kư̆m ăn kơ sư tơju Gôliat, bơngai Philistin.