Jôsuê 9:1 - Sơ̆p Hlabơar Nơ̆r 'Bok Kei-Dei

¹ Đĭ-đăng lu pơtao gah bơmơ̆t kơ đak Krong Jôrđăn đei kơtơ̆ng tơdrong âu, lu pơtao oei lăm bri kông, lăm thŭng dơnă, ala jơ̆ng kông gah bơmơ̆t păng tơring rok tơter đak Dơsĭ Tih truh tơ Liban, noh lu pơtao kon pơlei Hêtit, kon pơlei Amôrit, kon pơlei Kanaan, kon pơlei Perêsit, kon pơlei Hêwit, kon pơlei Jêbus,

Jôsuê 9:1 Iomraidhean Croise

II Sam 24:7

Lu sư năm truh tơ pơlei Tirơ, minh pôm pơlei tih kơjăp, păng năm jơ̆p kơ pơlei bơngai Hêwit păng bơngai Kanaan. Tuch-luch, lu sư năm truh tơ pơlei Bêrsêba gah tơring teh glă gah gơal lăm dêh Juđa.

Le 23:23

Linh jang Inh gô năm adrol adrol kơ iĕm, chông ba iĕm mơ̆t tơ char lu bơngai Amôrit, bơngai Hêtit, bơngai Pêrisit, bơngai Kanaan, bơngai Hêwit păng bơngai Jêbus, na inh gô pơrăm lu sư.

Le 23:31

Inh gô chĕng hơdral iĕm iŏk đơ̆ng đak dơsĭ 'brê truh tơ đak dơsĭ Philistin, a đơ̆ng char glă truh tơ đak glung tih;b yua kơ inh gô pơjao adrĕch adrung 'noh lăm tơpang ti ih păng ih gô puh lu sư weh đơ̆ng anăp iĕm.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 34:11

Kơchăng bĕ tơdrong Inh pơkă ăn kơ ih năr âu: Âu Inh gô puh tơweh bơngai Amôrit, Kanaan, Hêtit, Pêrisit, Hêwit, hăm bơngai Jêbus đơ̆ng anăp ih.

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jo 34:6

Bĕ hơdral gah bơmơ̆t lu iĕm rok đak Dơsĭ Tih.

Both 1:7

Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 3:25

Inh apinh Ih ăn kơ inh gơh 'bôh teh đak 'lơ̆ng rŏ, hăm kông groi tih rŏ păng kông Liban mă oei pah to đak Krong Jôrđăn.

Both 4:49

Păng đĭ tơmăn glă tơ gah hơlĕch kơ đak Krong Jôrđăn, truh tơ đak dơsĭ Araba,a boih ala jơ̆ng kông Pisga.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 1:15

dĭng dang yơ mă Kră Yang ăn tơdrong hiôk-hian kơ lu 'nhŏng oh iĕm thoi đei ăn boih kơ lu iĕm păng dĭng lu sư đei iŏk asong băl dêh char mă Kră Yang 'Bok Kei-Dei đei ăn kơ lu sư. Đơ̆ng noh lu iĕm gô wih tơ char lu iĕm kơdih, dêh char mă Môis đĭch đam Kră Yang đei ăn kơ lu iĕm gah âu kơ đak Krong Jôrđăn, gah măt 'năr lĕch, na lu iĕm gô iŏk teh noh pơm anih lu iĕm jang sa.

Jôsuê 1:4

Teh lu iĕm să iŏk đơ̆ng tơmăn glă păng kông Liban âu truh tơ đak Krong Tih, noh krong Ơphrat păng đĭ kơ dêh char kon pơlei Hêtit, truh tơ đak Dơsĭ Tih tơ gah 'năr mơ̆t.

Jôsuê 10:23

Thoi noh lu sư chông ba pơđăm 'nu pơtao noh lĕch đơ̆ng hơgơp tơmo, noh pơtao pơlei Jêrusalem, pơtao pơlei Hêbrôn, pơtao pơlei Jarmut, pơtao pơlei Lakis păng pơtao pơlei Eglôn.

Jôsuê 11:17

Đơ̆ng kông Halak lĕch tơklă pơlei Sêir truh tơ pơlei Baal Gat lăm pŭng-lŭng Liban, tơ jơ̆ng kông Hermôn sư rôp pơđĭ lu pơtao char noh păng pơlôch đĭ lu sư.

Jôsuê 13:5

Char Gêbilit păng đĭ char Liban tơ gah măt 'năr lĕch, đơ̆ng Baal Gat ala kơ jơ̆ng kông Hermôn, truh Hamat,

Jôsuê 15:12

Hơdral gah bơmơ̆t, noh rok tơter đak Dơsĭ Tih, noh boih hơdral tăp dăr puăn pah lu bơngai Juđa, kiơ̆ kơ adrĕch adrung lu sư.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 22:7

Môis ăn boih kơ minh puăt adrĕch Manase, teh jang sa mir 'ba tơ char Basan; Jôsuê ăn kơ minh puăt adrĕch Manase nai teh jang sa tơ gah bơmơ̆t kơ đak Krong Jôrđăn, kơplah Jôsuê ăn kơ lu sư wih brŏk tơ anih hnam kơdih na kư̆m đei sơkat ăn tơdrong pŭn hiôk

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Jôsuê 6:27

Kră Yang oei hơdai Jôsuê, đe ư-ang anăn sư jơ̆p-jang lăm char sư.

Jôsuê 9:7

Mă-lei kon pơlei Isơrael tơl lu bơngai Hêwit: Băt lu iĕm oei jê̆ lu nhôn. Pơm liơ bơ̆n gơh pơgơ̆p băl?