Jôsuê 8:28 - Sơ̆p Hlabơar Nơ̆r 'Bok Kei-Dei

²⁸ Thoi noh Jôsuê prah ŭnh soh, pơm kơ pơlei Ahi pơchah răm jing juơ tơtŭng, dĭng truh tơ dang ei.

Jôsuê 8:28 Iomraidhean Croise

II Pot 19:25

Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Je 50:26

Năm pơm bĕ kơ sư đơ̆ng rim anih ataih, pơih bĕ pơk 'ba sư; pơpôi đĭ minh 'bôt thoi pôi 'ba. Pơlôch pơgoh bĕ, 'Nĕ pă lê̆ minh 'nu bu!

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Both 13:16

Athei pơpôi iŏk pơđĭ lu tơmam đơ̆ng blah iŏk đơ̆ng lăm pơlei tih noh, năm tuh lê̆ tơ cham să na iŏk ŭnh soh pơlei noh păng đĭ-đăng mŭk tơmam lăm noh, thoi tơmam soi 'buh pơyơ̆r kơ Kră Yang 'Bok Kei-Dei iĕm, pơlei noh gô jing rơ̆m ngar ŭnh ling-lang hlŏng hloi, ưh pă bu gơh tơiung pơjing dơ̆ng.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Jôsuê 4:9

Jôsuê kư̆m akŭm pơdơ̆ng mơjĭt-'bar tŏ tơmo iŏk đơ̆ng lăm tŏk-bŏk đak Krong Jôrđăn, 'bơ̆t anih jơ̆ng, lu 'bok soi tung Hom Pơgơ̆p oei dơ̆ng, lu tơmo noh oei đei truh tơ dang ei.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.