Jôsuê 8:21 - Sơ̆p Hlabơar Nơ̆r 'Bok Kei-Dei

²¹ Jôsuê păng lu linh Isơrael, 'bôh lu linh răp noh đei iŏk boih pơlei Ahi păng 'bôh 'nhui ŭnh đông kơjung, lu sư wih tơ rŏng blah lu linh pơlei Ahi,

Jôsuê 8:21 Iomraidhean Croise

II Sam 10:9

Wă Jôap yŏng linh 'bôh lu linh ayăt wă blah 'bar pah gah anăp gah rŏng kơ lu sư, na sư rơih lu linh nuih kơtang lăm lu bơngai Isơrael săp dă năm tơblah lu linh bơngai Siri.

Jôsuê 10:1

Adônisêdek, pơtao pơlei Jêrusalem, kơtơ̆ng khan Jôsuê blah iŏk boih pơlei Ahi păng pơrăm pơlôch đĭ, pơm kơ pơlei păng pơtao sư, thoi sư đei pơm kơ pơlei Jêrikô păng kơ pơtao sư păng kư̆m kơtơ̆ng kon pơlei Gibeôn pơgơ̆p hiôk-hian hăm kon pơlei Isơrael boih păng oei hơdai lu sư.

Jôsuê 8:20

Lu bơngai drŏ-nglo pơlei Ahi wih lăng tơ rŏng 'bôh đei 'nhui ŭnh đe soh pơlei đông tơ kơpal plĕnh. Mă-lei lu sư đĭ pă gơh kơdâu gah yơ, yua kơ lu linh Isơrael mă kơdâu boih tơ lăm thŭng wih tơ rŏng blah lu bơngai mă druh lu sư.

Jôsuê 8:22

lu linh răp lĕch đơ̆ng pơlei kư̆m năm blah lu bơngai Ahi, thoi noh lu linh Ahi tŏk-bŏk, lu linh Isơrael, găn wang tăp 'bar pah. Lu linh Isơrael blah pơlôch lu sư ưh pă đei bu oei arih păng klaih hlôi.