Jôsuê 8:20 - Sơ̆p Hlabơar Nơ̆r 'Bok Kei-Dei

²⁰ Lu bơngai drŏ-nglo pơlei Ahi wih lăng tơ rŏng 'bôh đei 'nhui ŭnh đe soh pơlei đông tơ kơpal plĕnh. Mă-lei lu sư đĭ pă gơh kơdâu gah yơ, yua kơ lu linh Isơrael mă kơdâu boih tơ lăm thŭng wih tơ rŏng blah lu bơngai mă druh lu sư.

Jôsuê 8:20 Iomraidhean Croise

Bl 19:28

Sư tơmang lăng tơ gah Sôđôm păng Gômôrơ păng đĭ-đăng tơ lăm thŭng, lăng 'bôh 'nhui đơ̆ng teh, 'nhui nhen lĕch đơ̆ng tơnuh ŭnh tih.

Jop 11:20

Mă-lei gah lu bơngai pơm kơnê̆ gô lap rơgah; sư pă đei trong wă kơdâu ôn, păng tơdrong lu sư chang hơmĕng noh lăp gô kơtĕch jơhngơ̆m đĕch.

Horiso 76:5

Lu bơngai nuih kơtang đe tơgar iŏk tơmam tơblah lu sư đĭ boih. Lu sư tep hlŏng hloi pă đei bu nuih pran mă oei gơh hiŏng kơkŏng ti.

Êsai 34:10

Măng năr ưh kơ đei layơ păt, 'nhui ŭnh bluh hơnơ̆ng. Teh gô jing juơ đơ̆ng chăl âu truh tơ chăl nai, ling-lang hlŏng hloi ưh pă đei bu oei dah chă găn brih rok trong noh.

Jôsuê 8:19

Lăp Jôsuê yơ̆r ti sư lu linh răp noh iung, kơdâu năm blah iŏk hloi pơlei păng soh hloi pơlei noh.

Jôsuê 8:21

Jôsuê păng lu linh Isơrael, 'bôh lu linh răp noh đei iŏk boih pơlei Ahi păng 'bôh 'nhui ŭnh đông kơjung, lu sư wih tơ rŏng blah lu linh pơlei Ahi,

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

Tơdrông Tơ'bôh 19:3

Lu bơngai tơpôl ei pơma 'bơ̆r re pă 'măng dơ̆ng: “Halêluya, ư-ang kơ 'Bok Kei-Dei yua kơ 'nhui ŭnh đơ̆ng sa Pơlei Babilôn ei tŏk khŏm khŏm hoh-hoy kơ păt.”

Lu 20:38

Lu linh bơngai Isơrael đei pơkă băl boih hăm lu linh răp noh, dah đei mơ̆t blah pơlei boih athei soh 'nhui ŭnh găm tŏk tơ kơpal wă pơm tơdra,

Lu 20:40

Mă-lei lăp 'bôh 'nhui 'noh păr tŏk đông tơ kơpal hloh kơ pơlei thoi jrăng 'nhui ŭnh, lu bơngai Bênjamin hue lăng tơ rŏng, 'bôh jơ̆p kơ lăm pơlei 'noh tă kơ 'bôh 'nhui ŭnh ngăl đông tŏk tơ plĕnh.

Lu 20:41

Kơplah noh, lu bơngai Isơrael sư wơ̆t tơ rŏng tơblah mă gah lu bơngai Bênjamin lu sư rai hli tơrơ, yua kơ lu 'bôh tơdrong gleh răm wă truh tơ lu sư.