Jôsuê 7:3 - Sơ̆p Hlabơar Nơ̆r 'Bok Kei-Dei

³ Lu sư wih brŏk tơ Jôsuê păng khan: Ưh kơ kăl kơ chông ba đĭ kon pơlei năm tơ noh ôh, tơdrong kơ đei, ih athei ăn dang 'bar dah pêng-rơbâu 'nu bơngai đĕch, năm tơblah pơlei Ahi, 'nĕ kơ ăn đĭ kon pơlei năm gleh lap tơ noh, yua kơ bơngai pơlei Ahi lăp tŏ sĕt đĕch.

Jôsuê 7:3 Iomraidhean Croise

Tơdrông Pơđơk 13:4

Bơhngol bơngai alah hơpơi wă tă kơ hoh-hoy; Bơhngol bơngai pơnam tơmam mah rơkah rơkai.

Tơdrông Pơđơk 21:25

Tơdrong hơpơi wă lu bơngai alah Gô pơlôch sư kơdih yua kơ ti sư kuă kơ jang.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Jôsuê 7:2

Đơ̆ng Jêrikô Jôsuê wơh bơngai năm chop lăng pơlei Ahi, Jê̆ Bêt Awen, gah hơlĕch kơ Bethel na khan: Năm chop lăng bĕ tơring noh. Lei na lu sư năm chop lăng pơlei Ahi.

Jôsuê 7:4

Thoi noh, đei dang pêng-rơbâu 'nu bơngai tŏk năm tơblah tơ noh, mă-lei lu sư kơdâu tơklah tơklang kơ bơngai pơlei Ahi.

II Pet 1:10

Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

II Pet 1:5

Yua kơ thoi noh na dang ei iĕm lui kơ Yêsu Krist boih, iĕm athei adrin pơm 'lơ̆ng, pơm tơpăt păng pơhrăm iŏk dôm tơdrong 'Bok Kei-Dei.