Jôsuê 7:26 - Sơ̆p Hlabơar Nơ̆r 'Bok Kei-Dei

²⁶ Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c

Jôsuê 7:26 Iomraidhean Croise

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 21:14

Chĕp ba 'bŭ hơdai hăm kơting pơtao Sôl păng Jônathan kon pơtao, tơ Sêla lăm teh đak Bênjamin lăm bơsat Kis 'bă pơtao Sôl. Đơ̆ng rŏng kơ lu sư jang keh dôm tơdrong pơtao pơkă, Kră Yang 'Bok Kei-Dei tơl tơwih nơ̆r pơtao krao apinh păng tuh tơdrong pŭn hiôk ăn kơ teh đak.

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

Esơra 10:14

Thoi noh, apinh lu 'bok kuan tih dơ̆ng tơ noh tơplih kơ lu nhôn wă pơma dŏng kon pơlei mă trŏ; mă bơngai bu lăm pơlei lu nhôn đei iŏk lu bơngai tơmoi pơm akăn, athei pơm kiơ̆ kơ năr đei hơgăt, hăm lu đe kră păng 'bok sek tơlang kơtă pơlei, wă hơmet tơdrong âu dĭng truh tơ layơ mă Kră Yang hil mĭl kơ nhôn gơh ngach rơngơp.

Horiso 85:4

Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Le 32:12

Liơ Ih wă lê̆ lu bơngai Êyiptơ khan: ‘Kră Yang chông tơlĕch lu sư đơ̆ng char bơ̆n wă pơrăm lê̆, pơlôch lê̆ lu sư tơ lăm kông, hăm pơrăm pơtôch lê̆ lu sư đơ̆ng lăm teh đak âu?’ Lê̆ bĕ tơdrong Ih blĕk tơtŏ păng tơplih tơdrong tơchĕng Ih wă pơm kơnê̆ kơ kon pơlei pơla Ih.

Êsai 40:2

Pơma bĕ kơ pơlei Jêrusalem mă hiôk păng roi khan tơdrong lu sư pơm đĭch tôch đĭ bơih, tơdrong yoch lu sư mơnat ăn bơih, lu sư chu iŏk bơih đơ̆ng ti Kră Yang mơnat 'bar wơ̆t hloh kơ tơdrong yoch lu sư.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Nhom 3:53

Lu sư 'maih pơlôch inh tơ lăm măng mu păng klơ̆m tơmo kơ inh.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Hôsia 2:17

Yua kơ Inh gô iŏk lê̆ yang Baal đơ̆ng 'bơ̆r sư; wă kơ ưh pă đei bu 'blŏk krao anăn Baal dơ̆ng.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Jôel 2:18

Na Kră Yang gar teh đak Sư păng 'mêm mơnat kơ kon pơlei pơla Sư.

Jôna 1:15

Đơ̆ng noh đe rôp Jôna klơ̆m hơtat lê̆ sư tơ lăm đak dơsĭ, na đak dơsĭ huay pă poh-yă hloi.

Sa 6:8

Đơ̆ng noh sư krao inh: “'Nâu, lu aseh năm tơ gah yă-nơ̆m, ăn kơ Yang Bơhngol Inh oei pơdơh tơ gah yă-nơ̆m noh.”

Jo 25:8

kiơ̆ bơngai Isơrael mơ̆t lăm bơsŭn, 'bet hloi bơngai drŏ-nglo Isơrael noh klĕch hloi tơ klak bơngai drŏ-kăn; đơ̆ng noh tơdrong truh kơ bơngai Isơrael pơdơh hloi.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Both 13:18

Yua kơ iĕm chu nơ̆r Kră Yang 'Bok Kei-Dei iĕm, wei răk đĭ dôm nơ̆r Sư tơtă, mă inh bơtho ăn kơ iĕm năr 'nâu păng pơm tơdrong trŏ 'blep mă Kră Yang lăp đon.

Jôsuê 10:27

'Bơ̆t năr wă mơ̆t, Jôsuê athei đe tơjur akâu lu pơtao lôch đơ̆ng 'long na klơ̆m lê̆ lu sư tơ lăm hơgơp tơmo mă đêl lu sư ôn noh, iŏk tơmo tih klơ̆p lê̆ 'măng, truh tơ dang ei oei đei.

Jôsuê 7:24

Jôsuê păng đĭ-đăng kon pơlei Isơrael rôp Akan, sâu Sêra, iŏk Hu, ao tai, tơpei Maih, lu kon drŏ-nglo, drŏ-kăn sư, lu rơmo, aseh iĕ, triu păng hnam bơsŭn păng đĭ kơ dôm tơmam sư, chông chĕp ba sư tơ lăm thŭng pŭng-lŭng Akôr.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.