Jôsuê 7:25 - Sơ̆p Hlabơar Nơ̆r 'Bok Kei-Dei

²⁵ Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.

Jôsuê 7:25 Iomraidhean Croise

Bl 34:30

Na Jakôp khan kơ Simêôn păng Lêwi thoi âu: Măr iĕm pơm kiơ kơ inh ưh kơ hiôk, pơm ăn kơ kon tơring âu. Bơngai Kanaan păng bơngai Phêrêsit, hil areh kơ bơ̆n. Bơ̆n âu, tŏ sĕt bơngai; dah lu sư akŭm băl blah bơ̆n inh păng hnam dơnŏ bơ̆n gô răm.

Bl 38:24

Dang pêng khei đơ̆ng rŏng, đe đei roi dơ̆ng kơ Juđa thoi âu: Tamar, mŏ mai ih pơm adruh đi păng yua kơ thoi noh na sư đei anăp. Juđa khan rôp tơlĕch soh lê̆ sư bĕ.

I Ho 2:7

Kon drŏ-nglo Karmi: Đei Akar,a bơngai pơrŭng lăm Isơrael, pơm glăi kơ tơmam đe pơkăm.

Tơdrông Pơđơk 1:19

Noh boih trong lu bơngai ham kơ pơm kơnê̆ wă chă sa lơi; Tơdrong plah tơgar gô hiong tơdrong arih lu bơngai bu đei iŏk tơmam noh.

Tơdrông Pơđơk 15:27

Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Lêwi 20:14

Tơdah minh 'nu bơngai drŏ-nglo iŏk bre mĕ kon na pơm akăn, noh jing tơdrong kơnê̆ chư̆ dêh; đe gô soh pơđĭ pêng 'nu lu sư, wă kơ tơdrong kơnê̆ chư̆ noh huay pă đei lăm lu iĕm.

Lêwi 20:2

Ih athei khan kơ kon pơlei Isơrael. Tơdah bơngai bu lăm kon pơlei Isơrael dah bơngai tơmoi oei lăm char Isơrael jao minh 'nu kon hơ'lơ̆p sư ăn kơ yang Mơlŏk, a bơngai noh đe gô pơlôch sư, kon pơlei lăm char noh gô klơ̆m pơlôch sư hăm tơmo.

Lêwi 21:9

Tơdah kon adruh 'bok soi ngôi kư̆ kă, noh jơ̆ pơm kơnê̆ kơ anăn 'bă sư, na đe gô soh sư lăm ŭnh.

Lêwi 24:14

Chông ba bĕ bơngai mă hiap pơtê̆ lĕch tơ 'nguaih kơ gơđông, đĭ-đăng đe bu mă kơtơ̆ng sư athei dan ti lu sư 'bơ̆t kơ̆l bơngai noh păng ăn đĭ-đăng kon pơlei pơla klơ̆m pơlôch sư păng tơmo.

Galati 5:12

Lu sư juăt kơ pơlung iĕm đe kăt tơdra akar, lei lu sư kuă kơ kiơ kơ hlach akar sư kơdih mă tih wă kơ trŏ 'biơ̆?

Both 13:10

Iĕm athei iŏk tơmo klơ̆m pơlôch sư, yua kơ sư chă đon pơhlŭ ih iĕm achăng lê̆ Kră Yang 'Bok Kei-Dei iĕm, Tơ'ngla chông iĕm lĕch đơ̆ng dêh Êyiptơ lĕch hlôi đơ̆ng pơm đĭch.

Both 13:11

Thoi noh, na đĭ-đăng bơngai Isơrael gô kơtơ̆ng băt dôm tơdrong noh păng hli tơrơ, lei na ưh pă đei pơ̆n pơm minh tơdrong kơnê̆ noh dơ̆ng.

Both 17:5

Na Iĕm athei chông ba bơngai drŏ-nglo dah drŏ-kăn mă pơm tơdrong kơnê̆ krưp noh 'bơ̆t 'măng jang pơlei, klơ̆m pơlôch sư păng tơmo.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

II Tes 1:6

Păng Sư gô ăn tơdrong gleh kơ lu bơngai pơm kơnê̆ kơ bơ̆n.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Jôsuê 6:18

Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

I Sam 14:29

Jônathan tơl khan: 'Bă inh pơm ăn kơ kon pơlei hơ'ngon; athei lăng măt inh hơdah hơdong dang yơ, yua kơ đơ̆ng inh liah tŏ sĕt đak sut âu.