Jôsuê 7:24 - Sơ̆p Hlabơar Nơ̆r 'Bok Kei-Dei

²⁴ Jôsuê păng đĭ-đăng kon pơlei Isơrael rôp Akan, sâu Sêra, iŏk Hu, ao tai, tơpei Maih, lu kon drŏ-nglo, drŏ-kăn sư, lu rơmo, aseh iĕ, triu păng hnam bơsŭn păng đĭ kơ dôm tơmam sư, chông chĕp ba sư tơ lăm thŭng pŭng-lŭng Akôr.

Jôsuê 7:24 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Jop 20:15

Mŭk măk sư tơtông luăn sa 'ngam gô hăk lê̆ tơ 'nguaih, Kră Yang 'Bok Kei-Dei bơih ăn kơ sư hăk lê̆ mŭk tơmam noh đơ̆ng hlŭng sư.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Tơdrông Pơđơk 15:27

Bơngai ham pơm kơ hnam dơnŏ sư chhŭr nuih, Mă-lei bơngai đei areh kơ sa pơgâm gơh arih.

Bôk Bơthô 5:13

Đei minh tơdrong kơnê̆ dêh mă inh 'bôh tơ ala teh âu: Bơngai mơdrŏng mong mŭk tơmam ưh kơ hơđơ̆ng hiôk.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Hôsia 2:15

Inh gô pơdrâu kơ sư pơgar hơmu dơ̆ng, păng ăn thŭng Akôra jing 'măng tơdrong chang hơmĕng sư gô drơ̆ng Inh thoi năr sư oei hơmuh hơmŏng, păng kư̆m nhen thoi năr sư 'nao lĕch đơ̆ng Êyiptơ sơ̆.”

Jôsuê 15:7

đơ̆ng âu hơdral tŏk tơ Đêbir, đơ̆ng thŭng Akôr năm tơpăt tơ gah yă-nơ̆m dăr tơklă Gilgal, tơklă kuĕl Ađumim gah gơal kơ thŭng rok cheng tu đak Ên Sêmes păng tơtil tu đak Ên Rôgel.

Jôsuê 22:20

Kơplah Akan kon drŏ-nglo Sêra, đei pơm yoch glăi kơ tơmam trŏ kơ pơrăm păng pơyơ̆r kơ Kră Yang na tơdrong truh đơ̆ng Kră Yang hil mĭl hăm trŏ 'bơm kơ tơpôl lăm Isơrael păng bơngai noh ưh kơ sĭ lôch hơdrô̆ yua kơ yoch sư kơdih!

Jôsuê 6:18

Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.

Jôsuê 6:21

Iŏk đao pơlôch đĭ bơngai lăm pơlei noh, drŏ-nglo, kră, hơ'lơ̆p, truh tơ sem dơrong: Rơmo, triu păng aseh iĕ.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:23

Sư kôch iŏk tơmam lăm tŏk-bŏk bơsŭn, chĕp ba ăn kơ Jôsuê păng tơ'bôh kơ đĭ-đăng kon pơlei Isơrael, dan 'bơ̆t anăp Kră Yang.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c