Jôsuê 7:21 - Sơ̆p Hlabơar Nơ̆r 'Bok Kei-Dei

²¹ Inh đei 'bôh minh blah ao tai Sinêa 'lơ̆ng, lăm tơmam blah tơgar iŏk, 2 kĭ 30grama jên hu, minh tơpei maih, trăp 0 kĭ 600gram binh wă dêh tơmam noh, iŏk ôn lê̆ 'bŭ lăm teh, tŏk-bŏk anih bơsŭn inh, hu 'bŭ sư tơ ala.

Jôsuê 7:21 Iomraidhean Croise

Bl 10:10

Teh đak sư 'nao pơjing noh Babel, Êrek, Akat păng Kalneh oei tơ dêh char Sinar.

Bl 3:6

Bơngai drŏ-kăn lăng 'bôh plei 'long noh rŏ kơ sa 'lơ̆ng nham, na kư̆m lăp măt păng gĭtb yua kơ wă pơih kơ̆l 'ngok hơgei na phĕ sa; đơ̆ng noh na ăn kơ klo sư sa, mă oei jê̆ sư. Klo sư kư̆m sa mơ̆n.

Bl 34:27

Yua kơ đơ̆ng lu đe noh pơm kơnê̆ pơ'brơh kơ oh lu sư, kon adruh Jakôp, lu kon drŏ-nglo lu sư mơ̆t tơ lu bơngai lôch ei hơloh năm blah iŏk tơmam pơlei;

Bl 6:2

Lu kon tơdăm yang 'bôh kon adruh kon bơngai 'lơ̆ng hơbŏ na iŏk oei, adruh ayơ mă sư lăp đon.

II Sam 11:2

Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

II Pot 7:8

Lăp lu bơngai jĭ chin truh 'bơ̆t anih ei, lu sư mơ̆t sŏng sa lăm ei, thoi noh, lu sư iŏk hu, maih păng hơbĕn ao năm ôn lê̆. Lu sư wơ̆t mơ̆t lăm anih nai dơ̆ng tơ ei, kư̆m iŏk dôm lu mŭk tơmam na chĕp năm ôn lê̆ dơ̆ng,

Jop 31:1

Inh đei pơgơ̆p hăm măt inh; Inh ưh pă lăng tơ bơngai adruh hle.

Horiso 119:37

Apinh Ih pơdăr măt inh wă kơ huay lăng lu tơdrong ưh kơ yua. Ăn kơ inh gơh arih kiơ̆ lăm lu trong Ih.

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Tơdrông Pơđơk 1:19

Noh boih trong lu bơngai ham kơ pơm kơnê̆ wă chă sa lơi; Tơdrong plah tơgar gô hiong tơdrong arih lu bơngai bu đei iŏk tơmam noh.

Tơdrông Pơđơk 23:31

'Nĕ kơ lăng pơnhen tơ tơdrô, kơplah ih 'bôh sư oei choh đak oei blôk ro 'bônh.

Tơdrông Pơđơk 28:22

Bơngai bu kret ham, pơnam chă wă kơ mơdrŏng, Gah rŏng ưh kơ băt tơdrong kơ'bah gô truh kơ sư.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Êsai 28:15

Lu iĕm pơma pơrŏ khan: “Lu nhôn pơgơ̆p bơih hăm tơdrong lôch, păng pơgơ̆p hăm dêh atâu, Tơdah tơdrong anat anot gô truh, ưh kơ 'bơm lu nhôn ôh. Lu nhôn yua tơdrong pơma hơlĕnh pơm anih nhôn kơ'nơp. Păng pơma bơkuĕch hơlĕnh wă kơdâu ôn.

Êsai 29:15

Răm dêh kơ lu bơngai ôn kơ Kră Yang tơdrong lu sư pơđâu, tơdrong jang lu sư pơm oei lăm măng mu păng lu sư khan: Bu 'bôh bơ̆n? Bu băt kơ bơ̆n?

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 12:2

Mă-lei dôm tơdrong lu sư wă ôn hrĕp dang ei, đe gô 'bôh ning-mônh.

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Both 7:25

Iĕm athei soh pơđĭ lu rup yang lu sư. 'Nĕ kơ hưch ham, 'nĕ kơ iŏk kơdih hu dah maih đơ̆ng lăm lu sư man rup noh, kơnh hli kơ iĕm 'leh hơđong; yua kơ tơmam 'noh yua kơ tơmam noh Kră Yang 'Bok Kei-Dei areh dêh.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Ya 1:15

jing pơm yoch. Tơdrong yoch bơ̆n rai tih rai lơ boih, na bơ̆n gô truh kơ tơdrong lôch.

Jôsuê 7:20

Akan tơl Jôsuê: Trŏ tơpă, inh đei pơm tơdrong yoch hăm Kră Yang 'Bok Kei-Dei Isơrael. 'Nâu tơdrong inh đei pơm boih.

Jôsuê 7:22

Jôsuê wơh bơngai năm tơ bơsŭn, 'bôh ao tai tơ noh păng hu 'bŭ tơ ala.

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.