Jôsuê 7:20 - Sơ̆p Hlabơar Nơ̆r 'Bok Kei-Dei

²⁰ Akan tơl Jôsuê: Trŏ tơpă, inh đei pơm tơdrong yoch hăm Kră Yang 'Bok Kei-Dei Isơrael. 'Nâu tơdrong inh đei pơm boih.

Jôsuê 7:20 Iomraidhean Croise

Bl 42:21

Lu sư khan tơduă lu sư thoi âu: Sĭt tơpă bơ̆n đei pơm yoch hăm oh bơ̆n boih; yua kơ adrol sơ̆ bơ̆n 'bôh jơhngơ̆m sư sơ'ngon, sư apinh bơ̆n mơnat, mă-lei lu bơ̆n ưh kơ mơ̆ng, thoi noh na 'nâu đei tơdrong truh kơ lu bơ̆n thoi âu.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Jop 7:20

Ơ Kră Yang mă wei-lăng kon bơngai, tơdah inh đei pơm yoch, inh hăm pơm kiơ kơ Ih? Liơ Ih pơjing inh pơm tơmam Ih prah pơđam? Liơ inh tă jing bơngai pơhiơ̆k Ih?

Horiso 38:18

Inh gô roi tơdrong yoch inh, Inh ơh sơ'ngon, yua kơ tơdrong yoch inh.

Le 10:16

Thoi noh Pharaôn hăt hot krao Môis păng Arôn na khan: Inh pơm yoch hăm Kră Yang 'Bok Kei-Dei lu iĕm păng hăm măr iĕm hai.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

Jo 22:34

Balaam tơl Linh jang Kră Yang khan: Inh pơm glăi boih, ưh kơ băt kơ ih dơ̆ng 'bơ̆t trong găn inh, na dang ei, tơdah ih ưh kơ wă kơ inh năm, inh wih brŏk.

Mathiơ 26:9

Pơgang 'bâu phu noh kăp jên dêh, lơliơ sư ưh kơ wă tĕch chă jên asong kơ lu bơngai dơnuh hin?”

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Jôsuê 7:21

Inh đei 'bôh minh blah ao tai Sinêa 'lơ̆ng, lăm tơmam blah tơgar iŏk, 2 kĭ 30grama jên hu, minh tơpei maih, trăp 0 kĭ 600gram binh wă dêh tơmam noh, iŏk ôn lê̆ 'bŭ lăm teh, tŏk-bŏk anih bơsŭn inh, hu 'bŭ sư tơ ala.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.