Jôsuê 7:11 - Sơ̆p Hlabơar Nơ̆r 'Bok Kei-Dei

¹¹ Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,

Jôsuê 7:11 Iomraidhean Croise

II Pot 18:12

Noh, yua kơ lu sư ưh kơ chu kiơ̆ nơ̆r Kră Yang 'Bok Kei-Dei lu sư bơtho khan, mă-lei lu sư pơm glăi kơ tơdrong Kră Yang pơgơ̆p pơkă, lu sư ưh kơ wă, mơ̆ng păng kuă kơ pơm kiơ̆ dôm tơdrong mă Môis, đĭch đam Kră Yang hlôi bơtho.

II Pot 5:24

Lăp truh 'bơ̆t jơ̆ng kông bơih, Gêhasi iŏk 'bar tŏ 'bi đơ̆ng ti bre đam Naaman, tah lê̆ lăm hnam sư kơdih, na lê̆ bre ei brŏk.

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Habakuk 2:6

Hăm trŏ lu bơngai noh gô iŏk nơ̆r che bơle na hiĕk kơ sư, iŏk nơ̆r pơjăm sư thoi âu: “Răm-'băm tơpă kơ lu bơngai mă mong pơpôi lu tơmam mă ưh trŏ kơ tơmam sư kơdih! Lu sư pơgŏ iŏk tơmam iŏk thuê̆ trăp tơgar đơ̆ng đe, lu sư wă pơm thoi noh dĭng dang yơ?

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Jang 5:9

Pêtrôs khan kơ sư: “Lơliơ ih hơdai wang pôm đon păng klo ih lĕ na biĕm wă pơlong Yang Bơhngol 'Lơ̆ng 'Bok Kei-Dei? To ih lăng deh, lu bơngai mă 'bŭ klo ih, lu sư 'nao wih đơ̆ng 'bŭ sư, dơ̆ng 'bơ̆t 'măng to, lu sư wă tung 'bŭ ih lei-lăi thoi klo ih mơ̆n.”

Both 17:2

Tơdah đei bơngai oei hơdai, lăm pơlei mă Kră Yang 'Bok Kei-Dei ăn kơ iĕm, đei minh 'nu bơngai drŏ-nglo dah drŏ-kăn pơm tơdrong kơnê̆ 'bơ̆t anăp Kră Yang 'Bok Kei-Dei, noh pơm glăi tơdrong pơgơ̆p Sư,

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:10

Kră Yang khan kơ Jôsuê, Iung bĕ, liơ kŭp muh măt tơ teh thoi noh?

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

I Sam 14:38

Sôl khan: Ơ lu 'bok tih mă wei pơgơ̆r kon pơlei, đĭ-đăng athei năm jê̆ tơ âu, chă lăng tơdrong yoch đei pơm lăm năr 'nâu thoi yơ.