Jôsuê 6:5 - Sơ̆p Hlabơar Nơ̆r 'Bok Kei-Dei

⁵ Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.

Jôsuê 6:5 Iomraidhean Croise

Le 19:19

Păng Jơwa tơgiĕp re rai dêh; kơplah noh Môis pơma, na Kră Yang 'Bok Kei-Dei tơl sư jơwa thoi grơ̆m.

Êsai 25:12

Kră Yang gô pơrăm lê̆ dur man kơjung kơjăp noh, hơlih đĭ tơ ala, bơlih tơhuŏng lê̆ tơ teh, lăm 'mui teh.

Êsai 30:25

Truh kơ năr 'bet pơlôch băl tih, kơplah noh lu kơđông tih kơjăp pơchah, tơ rim kông kơjung rim groi gô đei lu glung đak ro.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Hêbrơ 11:30

Lu bơngai Isơrael đei đon lui, na lu sư năm blah Pơlei Jêrikô, dăr hăm akâu sư kơdih đĕch, tơpơh năr dăr, dur Pơlei Jêrikô pơchah phê̆ lêng bêng.

Jôsuê 6:16

Dăr wơ̆t mă tơpơh, lu 'bok soi hlôm tơgiĕp re pơhioi na Jôsuê khan kơ kon pơlei: Ôr jreo pơret bĕ, yua kơ Kră Yang jao ăn pơlei âu kơ lu iĕm boih.

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:4

Tơpơh 'nu 'bok soi năm adrol kơ Hom Pơgơ̆p chĕp tơpơh tŏ tơgiĕp hơke bơbe bram, truh năr mă tơpơh, lu iĕm athei dăr jum dăr kơ pơlei noh tơpơh wơ̆t, hơdai hăm tơpơh 'nu 'bok soi hlôm tơgiĕp,

Jôsuê 6:6

Thoi noh Jôsuê kon drŏ-nglo Nun, krao lu 'bok soi na khan: Tung bĕ Hom Pơgơ̆p păng tơpơh 'nu 'bok soi năm adrol kơ Hom Pơgơ̆p Kră Yang, chĕp tơpơh tŏ tơgiĕp.

Lu 20:37

Lu linh mă răp gô tơ pơlei Gibêah lu sư kơdâu mơ̆t blah lăm pơlei Gibêah blah pơlôch pơrăm đĭ-đăng lu bơngai oei lăm pơlei 'noh hăm đao gưm.

I Sam 17:20

Pơgê dơning đơ̆ng hrôih, Đawit lê̆ triu sư ăn kơ minh 'nu bơngai wei, iŏk tơmam na yak năm, thoi 'bă sư pơkă boih. Lăp sư truh tơ anih na kơplah noh hloi lu linh lĕch năm tơblah păng jreo re drŭt tơblah.

I Sam 17:52

Lu linh bơngai Isơrael păng bơngai Juđa iung jreo, tơkĕch, druh kon pơlei Philistin truh tơ trong mơ̆t pơlei Gat păng tơ 'măng jang pơlei Ekrôn. Lu bơngai Philistin jĭ rơka pơ̆k lôch 'bĕnh kơ trong đơ̆ng Saraim truh tơ pơlei Gat păng Êkrôn.

I Sam 4:5

Wă Hom Pơgơ̆p Kră Yang tung tơmơ̆t truh tơ lăm kơđông linh, đĭ-đăng bơngai Isơrael jreo hiôk chơt tih, teh mah pơpơ̆.