Jôsuê 6:25 - Sơ̆p Hlabơar Nơ̆r 'Bok Kei-Dei

²⁵ Thoi noh Jôsuê wei-lăng tơdrong arih Rahap bơngai drŏ-kăn đi, hăm đĭ-đăng lu bơngai lăm hnam dơnŏ 'bă sư, lu sư oei hơdai hăm lu bơngai Isơrael, truh tơ dang ei, yua kơ sư đei ôn bre bơngai chop lăng, mă Jôsuê wơh năm chop lăng pơlei Jêrikô.

Jôsuê 6:25 Iomraidhean Croise

Mathiơ 1:5

Salmôn hăm akăn sư Rahap pơjing đei kon drŏ-nglo, anăn sư Bôas. Bôas hăm akăn sư Rut kư̆m pơjing đei kon drŏ-nglo anăn sư Ôbêt, Ôbêt pơjing Jesê.

Jang 2:21

Thoi noh bu mă krao khan kơ Kră Yang, sư gơh klaih đơ̆ng tơdrong răm.’ ”

Hêbrơ 11:31

Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Ya 2:25

Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 2:18

Layơ lu nhôn mơ̆t tơ âu, ih athei chô̆ brai thêt 'bơ̆t 'măng-'mŏk mă ih đei tơjur nhi, na ih athei krao akŭm, đĭ-đăng mĕ 'bă 'nhŏng oh păng kon mon lăm hnam ih

Jôsuê 2:4

Mă-lei Rahap năm chông ôn lê̆ bre 'bar 'nu bơngai drŏ-nglo noh păng khan: Tơpă đei bre sư truh tơ hnam inh, mă-lei inh ưh kơ băt ôh bre sư đơ̆ng yơ.

Jôsuê 2:6

Mă-lei Rahap athei bre sư tŏk hao kơpal bơbŭng hnam, ôn lê̆ bre sư lăm bơmreh brang mă sư đei sơ̆k dan lê̆ kơpal bơbŭng,

Jôsuê 4:9

Jôsuê kư̆m akŭm pơdơ̆ng mơjĭt-'bar tŏ tơmo iŏk đơ̆ng lăm tŏk-bŏk đak Krong Jôrđăn, 'bơ̆t anih jơ̆ng, lu 'bok soi tung Hom Pơgơ̆p oei dơ̆ng, lu tơmo noh oei đei truh tơ dang ei.