Jôsuê 6:23 - Sơ̆p Hlabơar Nơ̆r 'Bok Kei-Dei

²³ Thoi noh bre 'bar 'nu bơngai chop lăng noh mơ̆t athei Rahap, mĕ 'bă sư, 'nhŏng oh, lĕch chông ba lu sư đĭ, bre 'bar 'nu bơngai noh chông ba đĭ hnam dơnŏ hăm sư păng ba lu sư oei gah 'nguaih kơ kơđông linh Isơrael.

Jôsuê 6:23 Iomraidhean Croise

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 18:24

Dah lăm pơlei đei pơđăm-jĭt 'nu bơngai tơpăt, Kră Yang kư̆m wă pơlôch lu sư hai aah? Ih ưh kơ mơnat ăn kơ pơlei noh hă yua kơ đei pơđăm-jĭt 'nu bơngai tơpăt oei lăm noh?

Bl 19:29

Na, kơplah Kră Yang 'Bok Kei-Dei pơrăm lu pơlei lăm thŭng, wă khan pơlei mă Lot oei, na Sư oei 'blŏk hloi kơ Abraham păng sư pơklaih hloi Lot đơ̆ng anih mă pơrăm tih noh.

Jo 31:19

Bĕ gah lu iĕm athei, 'bĭch tơ 'nguaih kơ kơđông lăm tơpơh năr. Bu mă đei pơlôch minh 'nu bơngai dah pel hơtŭt 'bơm akâu bơngai lôch, dah bơngai mă bơ̆n đei rôp, athei ming hơmet akâu mă rơgoh lăm năr mă pêng păng năr mă tơpơh.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

I Kor 5:12

Inh ưh kơ trŏ kơ bơngai chă sek tơdrong lu bơngai 'ngoaih mă ưh kơ lui ôh. 'Bok Kei-Dei đĕch gô sek tơlang kơ sư. Mă-lei bơ̆n gơh sek tơ lăm tơduă lu bơ̆n bơngai lui, na iĕm athei sek tơdrong buăl bơ̆n mă pơm kơnê̆ kư̆ kă oei kơ duch sư noh. Pơpuh tơjăk sư 'nĕ pă ăn kơ sư oei hơdai iĕm.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Hêbrơ 11:31

Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.

Jôsuê 2:13

Thoi noh lu iĕm gô lê̆ mĕ 'bă, 'nhŏng oh, mai oh đĭ-đăng kon mon lu sư oei arih, pơklaih lu sư đơ̆ng tơdrong lôch.

Jôsuê 2:16

Rahap khan: Năm tŏk tơ kông bĕ, kơnh hli kơ lu bơngai druh 'moi tam măr iĕm, măr iĕm athei ôn tơ noh pêng năr, truh tơ lu bơngai druh măr iĕm wih brŏk, đơ̆ng rŏng noh măr iĕm yak.

Jôsuê 2:18

Layơ lu nhôn mơ̆t tơ âu, ih athei chô̆ brai thêt 'bơ̆t 'măng-'mŏk mă ih đei tơjur nhi, na ih athei krao akŭm, đĭ-đăng mĕ 'bă 'nhŏng oh păng kon mon lăm hnam ih

Lu 1:25

Na bơngai ei tơ'bôh ăn kơ lu sư trong gơh mơ̆t tơ lăm pơlei. Lu sư iŏk đao hơlă pơlôch lu bơngai lăm pơlei 'nei; mă-lei lu sư lê̆ bơngai noh păng đĭ hnam dơnŏ sư oei arih