Jôsuê 6:19 - Sơ̆p Hlabơar Nơ̆r 'Bok Kei-Dei

¹⁹ Hu, maih păng đĭ-đăng tơmam pơm hăm kong mam 'măn lê̆ pha kơ Kră Yang, tơmam noh rơgoh gô tah tơmơ̆t lăm hnam mong tơmam Kră Yang.

Jôsuê 6:19 Iomraidhean Croise

II Sam 8:11

Pơtao Đawit 'măn lê̆ lu tơmam đe ăn wă pơyơ̆r kơ Kră Yang, kư̆m thoi sư đei 'măn lê̆ lu hu maih đơ̆ng lu bơngai mă sư đei blah pơjei iŏk.

I Pot 14:26

Pơtao noh blah iŏk đĭ tơmam yua đơ̆ng lăm hnam Kră Yang păng đơ̆ng lăm hnam pơtao. Sư kư̆m chĕp ba pơđĭ lu khêl mă Sôlômôn pơm păng maih 'noh.

I Pot 7:51

Đĭ-đăng dôm tơdrong jang pơtao Sôlômôn pơm Hnam akŭm Kră Yang pơm keh đĭ, đang kơ 'noh pơtao Sôlômôn wơh đe chĕp đĭ dôm tơmam 'bă sư Đawit pơyơ̆r sư 'măn lê̆ lăm hnam mong tơmam, lu hu, maih păng dôm tơmam yua nai dơ̆ng mơ̆n, tah lăm Hnam Kră Yang.

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

I Ho 26:20

Lăm lu bơngai Lêwi mơ'nah wei-lăng hnam 'măn tơmam, hnam Kră Yang 'Bok Kei-Dei păng anih tah lu tơmam rơgoh.

I Ho 26:26

Sêlômit păng 'nhŏng oh sư wei-lăng hnam 'măn lu tơmam gĭt đơ̆ng pơtao Đawit, lu bơngai yŏng kơdră adrĕch adrung, yŏng pơgơ̆r minh-rơbâu linh păng minh-hrĕng linh, hăm lu yŏng linh nai đei pơyơ̆r.

I Ho 26:27

Kŭm đei lu tơmam đơ̆ng blah iŏk kơplah tơblah băl, wă yua ming hơmet hnam Kră Yang.

I Ho 26:28

Đĭ-đăng lu tơmam mă Samuel, bơngai khan lê̆ adrol đơ̆ng Sôl, kon drŏ-nglo Kis, Apner, kon drŏ-nglo Nêr păng Jôap, kon drŏ-nglo Sêruia, păng lu bơngai nai đei pơyơ̆r Sêlômit păng lu 'nhŏng oh sư wei-lăng ngăl.

I Ho 28:12

Pơtao kư̆m pơjao dơ̆ng đĭ-đăng rup đơ̆ng Yang Bơhngol mă đei ăn lăm kơ̆l đon sư, gah hnam Kră Yang păng gah lu anih puăn pah, gah hnam tah tơmam Kră Yang 'Bok Kei-Dei păng gah lu hnam 'măn tơmam pơyơ̆r,

II Ho 15:18

Sư tah tơmam rơgoh lăm hnam Kră Yang tơmam noh đơ̆ng 'bă sư păng tơmam đơ̆ng sư kơdih mă đei klah 'măn lê̆ pha 'lơ̆ng rơgoh, maih, hu păng dôm pơnhan kơchŏk.

II Ho 31:12

Đei jơhngơ̆m tơpăt ba pơyơ̆r lu tơmam noh, gah tơmam minh lăm mơjĭt păng tơmam rơgoh tah tơmơ̆t. Kônania bơngai wei-lăng tơm hnam anih tah tơmam noh; oh sư Simei pơm kơiĕng sư, bre sư bơngai Lêwi.

Ne 10:38

'Bok soi kon sâu Arôn, gô năm hơdai bơngai Lêwi, lu sư iŏk ra minh lăm mơjĭt noh; đơ̆ng noh lu sư chĕp ba minh lăm mơjĭt noh truh tơ hnam akŭm 'Bok Kei-Dei lu nhôn, na tah lê̆ lăm hnam mong tơmam.

Je 38:11

Na Êbet Mêlek chông bơngai năm hơdai sư truh tơ anih đe tah che hơbĕn ao hiah, sư iŏk che păng ao so tơjur hăm tơlei ăn kơ Jêrêmi lăm sơlŭng.

Lêwi 19:24

Mă-lei truh kơ sơnăm mă puăn, lu plei noh jing rơgoh 'lơ̆ng, jing tơmam pơyơ̆r kơ Kră Yang.

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Jo 31:11

kư̆m chĕp iŏk pơđĭ dôm lu mŭk tơmam mă đơ̆ng lu sư blah iŏk, mă tơmam dah bơngai.

Jo 31:12

Lu sư chông păng chĕp ba pơđĭ bơngai dah lu mŭk tơmam mă đơ̆ng lu sư blah iŏk ăn kơ Môis păng Êlêasar, 'bok soi păng ăn kơ lu adrĕch bơngai Isơrael oei tơ kơđông tơ lăm tơmăn glă char Môap, jê̆ đak Krong Jôrđăn, tơklă pơlei Jêrikô.

Jo 31:22

Hu, maih, kong, bơsei, kem bơlơ̆k,

Mathiơ 27:6

Lu 'bok soi dônh jên noh păng khan: “Jên âu jên pơda, dah kiơ̆ kơ tơdrong juăt bơ̆n đơ̆ng sơ̆ ưh kơ gơh pơyơ̆r kơ 'Bok Kei-Dei ôh.”

Markôs 12:41

Yêsu oei jê̆ kơthŭng tah jên pơyơ̆r lăm hnam akŭm 'Bok Kei-Dei tơm. Sư lăng đe tah jên lăm noh. Đei lơ bơngai mơdrŏng tah jên lơ.

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,