Jôsuê 6:18 - Sơ̆p Hlabơar Nơ̆r 'Bok Kei-Dei

¹⁸ Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.

Jôsuê 6:18 Iomraidhean Croise

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Bôk Bơthô 9:18

Tơdrong hơgei đei pran hloh kơ đao hơlă, mă-lei lăp minh 'nu bơngai đĕch pơm glăi đĕch, sư pơrăm đĭ tơdrong 'lơ̆ng.

Jôna 1:12

Jôna khan: Lu iĕm rôp klơ̆m lê̆ inh bĕ! Klơ̆m lê̆ tơ lăm đak dơsĭ, lei đak dơsĭ huay pă tơdrŏ. Inh băt boih yua kơ đơ̆ng inh na đei kial hơbŭt tih thoi âu:

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Both 23:10

Tơdah đei minh 'nu bơngai drŏ-nglo bu lăm lu iĕm đei đak lĕch kơmăng, athei tơlĕch sư đơ̆ng lăm kơđông, sư ưh kơ gơh mơ̆t lăm kơđông linh dơ̆ng.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:13

Iung bĕ pơm kơ kon pơlei rơgoh păng khan: Hơmet bĕ lu iĕm kơdih mă rơgoh, kơ năr dơning, yua kơ 'nâu nơ̆r Kră Yang 'Bok Kei-Dei Isơrael đei khan: Ơ lu bơngai Isơrael, tơ lăm lu iĕm đei tơmam mă trŏ kơ pơyơ̆r păng pơrăm. Lu iĕm ưh kơ kĕ ôh tơblah hăm lu bơngai ayăt kơ iĕm, dĭng mă lu iĕm đei iŏk lê̆ tơmam noh đơ̆ng lăm lu iĕm.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.

I Yo 5:21

Ơ lu kon hơ'lơ̆p, iĕm athei weh ataih đơ̆ng dôm tơdrong yang kơnê̆ hŏ.

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.