Jôsuê 6:17 - Sơ̆p Hlabơar Nơ̆r 'Bok Kei-Dei

¹⁷ Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.

Jôsuê 6:17 Iomraidhean Croise

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Esơra 10:8

Lăm pêng năr, bơngai bu ưh kơ năm kiơ̆ thoi 'bok kuan tih păng đe kră tơtă, na mŭk tơmam sư noh đe gô pơdrâu iŏk pơđĭ, bơngai noh đe gô puh tơweh, kiơ̆ thoi lu kră păng lu bơngai pơgơ̆r ưh kơ ăn kơ sư akŭm hơdai kon pơlei mă 'nao brŏk dơ̆ng đơ̆ng pơm bơnă.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Êsêkiên 39:17

Gah ih, ơ kon bơngai, Kră Yang khan: Khan bĕ kơ lu sem păr păng lu sem bri akŭm đơ̆ng puăn pah, athei năm akŭm đĭ tơ minh anih pơm phĕt mă inh đei hơmet boih kơ lu iĕm, noh anih pơm yang tih tơ kơpal kông groi Isơrael; lu iĕm gô sa 'nhĕm păng huch pham.

Lêwi 27:21

Mă-lei tơdah truh tơ sơnăm hiôk-hian bơih, chŭn noh pơdrâu kơ tơ'ngla sư. Lei chŭn noh gô jing rơgoh 'lơ̆ng, teh âu gô jing tơmam Kră Yang gô jao ăn kơ 'bok soi.

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

I Kor 2:7

Nhôn bơtho tơdrong 'Bok Kei-Dei, tơdrong mă Sư ưh tam mă tơbăt ăn kơ kon bơngai kơtơ̆ng, tơdrong 'noh đơ̆ng blŭng-a 'Bok Kei-Dei ưh tam mă pơjing plĕnh păng teh sơ̆ na Sư pơkă khan wă tơbăt ăn kơ lu bơngai lui bơ̆n băt tơdrong 'noh wă kơ bơ̆n chơt hiôk.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:12

Sơ̆p hla bơar Sư kư̆m đei khan dơ̆ng thoi âu: “Bơngai bu kiơ̆ tôm tơdrong juăt, 'Bok Kei-Dei gô ăn kơ sư arih ling-lang.” Thoi noh na lu bơngai gơnang kơ akâu sư kơdih wă kiơ̆ tơdrong juăt Môis, lu sư kuă kơ gơnang kơ 'Bok Kei-Dei gơh mơnat ăn kơ lu sư arih ling-lang ôh. Lu sư wă gơnang kơ akâu lu sư gơh pơm kiơ̆ tôm tơdrong juăt đĕch khan gơh arih ling-lang, mă-lei lu sư kư̆m ưh kơ kĕ kiơ̆ ôh.

Both 20:17

Athei pơlôch pơrăm đĭ, kon pơlei Hêtit, kon pơlei Amôrit, kon pơlei Kanaan, kon pơlei Pêrisit, kon pơlei Hêwit, kon pơlei Jêbus, kiơ̆ thoi Kră Yang 'Bok Kei-Dei iĕm đei pơkă boih.

Hêbrơ 11:31

Yă Rahap sơ̆ sư bơngai đi, đơ̆ng rŏng sư đei đon lui, na sư huay kơ lôch hơdai hăm lu bôl sư bơngai mă ưh kơ lui kơ 'Bok Kei-Dei, yua kơ sư sơng iŏk lu bơngai Isơrael, lu mă năm lăng tông pơlei sư ki.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Ya 2:25

Na tơdrong yă Rahap sơ̆ kư̆m lei-lăi, sư bơngai đi mă-lei đơ̆ng rŏng 'Bok Kei-Dei kư̆m jô̆ sư bơngai 'lơ̆ng, yua kơ sư kiơ̆ tơdrong lui, sư sơng iŏk lu bơngai Isơrael đơ̆ng Jôsuê wơh năm dăr kơleng teh đak sư păng bơtho tơ'bôh kơ lu sư brŏk trong nai wă kơ lu buăl sư huay kơ rôp lu bơngai noh.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 2:22

Bre noh tŏk tơ kông, oei tơ noh pêng năr, dĭng truh tơ lu bơngai druh weh brŏk, lu bơngai druh chă jơ̆p-jang ưh kơ tơ'bơ̆p,

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.

I Sam 15:6

Sôl kư̆m wơh bơngai năm tơbăt ăn kơ kon pơlei Kênit: Lu iĕm athei weh bĕ, tơklah lĕch bĕ đơ̆ng kon pơlei Amalek, wă kơ lu nhôn huay kơ pơlôch iĕm hơdai hăm lu sư, yua kơ lu iĕm pơm 'lơ̆ng kơ kon pơlei Isơrael kơplah lu sư 'nao lĕch hlôi đơ̆ng dêh Êyiptơ. Thoi noh, na kon pơlei Kênit tơklah lĕch đơ̆ng kon pơlei Amalek.