Jôsuê 6:15 - Sơ̆p Hlabơar Nơ̆r 'Bok Kei-Dei

¹⁵ Lăm năr mă tơpơh lu sư iung đơ̆ng hrôih, măt 'năr 'nao 'brưch hơdah, năm tăp dăr kơ pơlei tơpơh wơ̆t kư̆m thoi ki, lăp lăm năr noh đĕch lu sư năm tăp dăr kơ pơlei tơpơh wơ̆t,

Jôsuê 6:15 Iomraidhean Croise

Horiso 119:147

Inh iung đơ̆ng hrôih drôih krao apinh, Inh chang hơmĕng kơ nơ̆r Ih.

Mathiơ 28:1

Đơ̆ng rŏng kơ năr pơdơh Sa'bat boih, lăp 'brưch hơdah til pơgê hrôih năr mônh, na Mari đơ̆ng Pơlei Mađơla hăm Mari nai bre sư năm lăng bơsat Yêsu.

Hêbrơ 11:30

Lu bơngai Isơrael đei đon lui, na lu sư năm blah Pơlei Jêrikô, dăr hăm akâu sư kơdih đĕch, tơpơh năr dăr, dur Pơlei Jêrikô pơchah phê̆ lêng bêng.

Jôsuê 3:1

'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

Jôsuê 6:14

Năr mă 'bar lu sư năm yak tăp dăr kơ pơlei minh wơ̆t wih brŏk tơ anih, lu sư pơm thoi noh lăm tơdrâu năr.

Jôsuê 6:16

Dăr wơ̆t mă tơpơh, lu 'bok soi hlôm tơgiĕp re pơhioi na Jôsuê khan kơ kon pơlei: Ôr jreo pơret bĕ, yua kơ Kră Yang jao ăn pơlei âu kơ lu iĕm boih.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.