Jôsuê 5:6 - Sơ̆p Hlabơar Nơ̆r 'Bok Kei-Dei

⁶ Kon pơlei Isơrael hlôi yak năm wih wơ̆t lăm char glă puăn-jĭt sơnăm, dĭng mah truh tơ kon drŏ-nglo lôch đĭ noh lu bơngai trŏ kơ pơm linh kơplah lu sư 'nao lĕch đơ̆ng char Êyiptơ, yua kơ ưh kơ chu kiơ̆ kơ nơ̆r Kră Yang. Yua kơ Kră Yang đei pơkă khan lu sư ưh kơ gơh 'bôh dêh char mă Kră Yang đei pơkă wă ăn kơ lu 'bok sư păng wă ăn kơ lu sư teh, đak sut đak toh.

Jôsuê 5:6 Iomraidhean Croise

Horiso 107:4

Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Êsêkiên 20:15

Mă-lei, Inh đei yơ̆r ti pơkăm pơkă hăm lu sư tơ lăm char glă thoi âu Inh ưh kơ chông ba lu sư năm tơ teh mă Inh wă ăn kơ lu sư, teh đak toh păng đak sut, noh teh ư-ang hloh kơ đĭ-đăng lăm char.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Jo 14:23

lei na lăm lu sư ưh kơ đei minh 'nu bu mă gơh 'bôh char mă Inh đei pơkă wă ăn kơ lu 'bok yă lu sư păng lu bơngai mă ưh kơ chu boih nơ̆r Inh, ưh kơ đei bu mă gơh 'bôh char noh.

Jo 26:63

'Nâu Môis păng Êlêasar 'bok soi chih jô̆ lu adrĕch adrung Isơrael lăm char glă Môap jê̆ đak Krong Jôrđăn tơklă pơlei Jêrikô.

Both 1:3

Lăm sơnăm mă puăn-jĭt năr mă mônh khei mơjĭt-mônh, Môis pơma khan kơ kon pơlei Isơrael dôm tơdrong mă đơ̆ng Kră Yang. Kră Yang tơtă kơ sư athei pơma khan kơ lu đe noh.

Both 2:14

Thoi noh, măng năr lu nhôn, lĕch đơ̆ng Kades Barnêa, truh tơ năm hlôi kơ đak glung Sêret, đunh đei pêng-jĭt tơhngam sơnăm đĭ lăm minh chăl dĭng mah đĭ lu bơngai drŏ-nglo mă gơh pơm linh lôch đĭ đơ̆ng lăm kơđông, kư̆m thoi Kră Yang đei pơkă boih.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Both 8:4

Lăm puăn-jĭt sơnăm hơbĕn iĕm ao ưh kơ hiah jơ̆ng iĕm kư̆m huay kơ pơ'ngeh.

Hêbrơ 3:11

Thoi noh na Inh hil kơ lu sư thoi âu: ‘Iĕm pơm thoi noh, iĕm ưh kơ gơh layơ wă mơ̆t pơdơh tơ dêh char Inh.’ ”

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 24:7

Mă-lei, 'bok yă lu iĕm krao apinh Kră Yang dŏng, Kră Yang ăn đei măng mu lăm lu kon pơlei Êyiptơ hăm lu iĕm, Kră Yang ăn đak dơsĭ lơ̆p bơngai Êyiptơ păng măt lu iĕm 'bôh boih Inh pơm kơ lu bơngai Êyiptơ. Păng lu iĕm mă oei arih đunh tơ lăm char glă.

Jôsuê 5:5

Đĭ-đăng lu kon drŏ-nglo mă lĕch hlôi đơ̆ng dêh Êyiptơ, chu kăt tơdra akar ngăl, mă-lei lu bơngai mă tơpŭ kơplah lu sư oei rok trong tơ lăm char glă ưh tam kăt tơdra akar đơ̆ng rŏng kơ lu sư lĕch đơ̆ng Êyiptơ.

Jôsuê 5:7

Thoi noh Kră Yang tơiung lu kon drŏ-nglo lu sư tơplih lu sư, 'noh kon drŏ-nglo mă Jôsuê kăt tơdra akar kơ lu sư, lu sư ưh tam mă kăt tơdra akar yua kơ tơ rok trong ưh tam đei pơm giĕng kăt tơdra akar.