Jôsuê 5:2 - Sơ̆p Hlabơar Nơ̆r 'Bok Kei-Dei

² Kơplah noh Kră Yang khan kơ Jôsuê: Pơm săng păng tơmo mă han na kăt tơdra akar tăl mă 'bar dơ̆ng kơ adrĕch adrung Isơrael.

Jôsuê 5:2 Iomraidhean Croise

Le 4:25

Sêpôra iŏk tơmo tơ noh pơm săng, kăt tơdra akar kơ kon sư păng klơ̆m lê̆ tơ ala jơ̆ng Môis na sư khan: Tơpă, ih jing klo inh đơ̆ng pham kon ba âu!

Rom 2:29

Bơngai bu wă kiơ̆ tơdrong 'Bok Kei-Dei, sư kiơ̆ hăm đĭ jơhngơ̆m đon sư, bơngai noh 'Bok Kei-Dei jô̆ sư bơngai Juđê. Dah bơ̆n adrin kiơ̆ Sư hăm đĭ jơhngơ̆m klơm klak, 'nĕ kiơ̆ pôm 'bơ̆r, bơngai noh 'Bok Kei-Dei jô̆ dang sư kăt tơdra akar mơ̆n. Dah bơ̆n pơm thoi noh, bơ̆n ưh kơ kăl kơ kon bơngai lăp đon kơ bơ̆n ôh, yua kơ bơ̆n đei 'Bok Kei-Dei lăp đon kơ bơ̆n boih.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Both 10:16

Na lu iĕm, athei băt hli yom kơ Kră Yanga 'nĕ pă arăng kơ̆l dơ̆ng.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

Jôsuê 5:3

Thoi noh Jôsuê chă hơmet săng pơm păng tơmo kăt tơdra akar ăn kơ kon pơlei Isơrael tơ groi Gibêah Haralôt.