Jôsuê 4:5 - Sơ̆p Hlabơar Nơ̆r 'Bok Kei-Dei

⁵ Na pơkă khan: Năm bĕ adrol kơ Hom Kră Yang 'Bok Kei-Dei lu iĕm tŏk-bŏk đak Krong Jôrđăn, na rim 'nu, kiơ̆ kơ adrĕch Isơrael, athei iŏk tôi ba minh pôm tơmo kơpal hơngiĕng.

Jôsuê 4:5 Iomraidhean Croise

Bl 31:46

Păng khan kơ lu 'nhŏng oh sư thoi âu: Dônh lu tơmo pơpôi tơ âu: Lu sư dônh pơpôi, jing minh pôi hơlôk, đơ̆ng noh lu sư hơ-oei sŏng sa cheng pôi ei.

Le 24:4

Môis chih iŏk đĭ dôm nơ̆r Kră Yang bơtho akhan pơgê đơ̆ng rŏng sư iung đơ̆ng hrôih, pơdơ̆ng minh pôm chơnang soi 'bơ̆t jơ̆ng kông păng pơtăm mơjĭt-'bar tŏ gơ̆ng pơtih kơ mơjĭt-'bar adrĕch adrung Isơrael.

Both 27:2

Lăm năr iĕm tŏk hlôi kơ đak Krong Jôrđăn wă mơ̆t tơ dêh mă Kră Yang 'Bok Kei-Dei iĕm ăn kơ lu iĕm, na iĕm athei pơdơ̆ng lu tơmo tih păng bah chŭr tơ tơmo noh.

Both 9:1

Ơ kon pơlei Isơrael, mơ̆ng bĕ! Lu iĕm wă tŏk kơ Krong Jôrđăn, wă mơ̆t tơblah puh tơweh lu adrĕch tih păng pran hloh kơ iĕm pơlei tih đei dur kơjung kơjăp truh tơ plĕnh.

Jôsuê 22:10

Kơplah lu sư truh tơ pơlei Geliôt jê̆ Krong Jôrđăn lăm char Kanaan, lu bơngai Rubên, bơngai Gat păng minh puăt adrĕch Manase pơm chơnang soi tih tơ jê̆ đak Krong Jôrđăn;

Jôsuê 4:4

Thoi noh Jôsuê krao mơjĭt-'bar 'nu, mă sư đei rơih, lăm kon pơlei Isơrael, rim adrĕch minh 'nu.

Jôsuê 4:6

Tơdrong noh wă pơm tơdra tŏk-bŏk lu iĕm. Ning-mônh, tơdah lu kon sâu iĕm đei jet: Lu tơmo âu wă khan kiơ?