Jôsuê 4:18 - Sơ̆p Hlabơar Nơ̆r 'Bok Kei-Dei

¹⁸ Lu 'bok soi tung Hom Pơgơ̆p Kră Yang tŏk hlôi kơ đak krong jơ̆ng lu sư hiŏng 'nao wă juă tơ kông anih hrĕng, na đak krong Jôrđăn 'blip tơ'bưh dang đêl, ro 'bĕnh thoi so.

Jôsuê 4:18 Iomraidhean Croise

I Ho 12:15

'Nâu boih lu bơngai mă tŏk kơ đak Krong Jôrđăn lăm khei mônh, kơplah đak tih lơ̆p blai kơ 'bar pah jih bơnơ̆, blah puh đĭ lu kon pơlei oei lăm thŭng dơnă gah hơlĕch păng gah bơmơ̆t.

Êsai 8:8

Ro blai mơ̆t tơ char Juđa, dĭng lơ̆p truh tơ hơko. Ơ Êmanuel! Pơnăr Sư gô bơyar jơ̆p kơ dêh ih.”

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

Jôsuê 3:15

Kơplah ei trŏ bơyan kĕch 'ba, đak Krong Jôrđăn tih tŏk 'bĕnh lah lai bơnơ̆. Kơplah lu bơngai tung Hom tơdrong pơgơ̆p Kră Yang, păng 'nao wă chro jơ̆ng 'bơm đak hơiuh tŏ sĕt.

Jôsuê 4:11

Lăp đĭ-đăng kon pơlei tŏk hlôi kơ đak krong boih, na Hom Pơgơ̆p Kră Yang păng lu 'bok soi, kư̆m năm yak tŏk rok 'bơ̆t anăp kon pơlei.

Jôsuê 4:17

Thoi noh Jôsuê khan kơ lu 'bok soi: Tŏk bĕ đơ̆ng lăm Krong Jôrđăn.

Jôsuê 4:19

Năr mơjĭt khei mônh, kon pơlei tŏk hlôi kơ đak Krong Jôrđăn, pơm anih tơ Gilgal, gah hơlĕch kơ pơlei Jêrikô,