Jôsuê 4:12 - Sơ̆p Hlabơar Nơ̆r 'Bok Kei-Dei

¹² Kon sâu Rubên, kon sâu Gat păng minh puăt kon sâu Manase chĕp khêl đao yak adrol kơ kon pơlei Isơrael trŏ thoi Môis đei khan tơbăt kơ lu sư,

Jôsuê 4:12 Iomraidhean Croise

Le 13:18

Lei na Kră Yang 'Bok Kei-Dei chông ba lu kon pơlei năm dăr rok kiơ̆ trong lăm char glă, gah Đak Dơsĭ 'Brê. Kon pơlei Isơrael chĕp khêl đao lĕch đơ̆ng dêh Êyiptơ.

Jo 1:24

Kon sâu Gat, adrĕch adrung sư kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm tơ kơpal, wă khan lăm kon sâu Gat gơh năm tơblah,

Jo 32:17

mă-lei lu nhôn gô chĕp tơmam tơblah yak năm 'bơ̆t anăp kon pơlei Isơrael dĭng lu nhôn ba lu sư truh tơ anih mă đei klah asong ăn kơ lu sư. Gah kon akăn lu nhôn lu sư gô oei lăm pơlei tih kơjăp yua hli kơ kon pơlei lăm dêh char âu.

Both 3:18

Kơplah noh, inh tơtă kơ lu iĕm, khan, Kră Yang 'Bok Kei-Dei lu iĕm jao boih dêh âu kơ lu iĕm iŏk bơ̆jang sa; đĭ-đăng lu bơngai nuih kơtang lu iĕm athei chĕp đao hơlă yak năm adrol kơ lu 'nhŏng oh bơ̆n, kon pơlei Isơrael.

Both 33:21

Sư rơih kơ sư anih teh 'lơ̆ng hloh lăm dêh noh, teh noh să 'măn kơ lu bơngai pơgơ̆r. Kơplah lu bơngai kră chĕp kơ̆l kon pơlei akŭm, sư pơm keh tơdrong 'lơ̆ng tơpăt Kră Yang, păng pơm kiơ̆ dôm nơ̆r Kră Yang tơtă kơ bơngai Isơrael.

Jôsuê 1:14

Lu akăn iĕm, kon hơ'lơ̆p iĕm păng sem dơrong lu iĕm gô oei lăm teh mă Môis đei ăn boih kơ lu iĕm, tơ gah hơlĕch kơ đak Krong Jôrđăn, mă-lei đĭ-đăng lu drŏ-nglo nuih kơtang, chĕp tơmam tơblah, đao kơtuang hơlă, tŏk năm adrol kơ lu 'nhŏng oh lu iĕm păng tơgŭm lu sư,

Jôsuê 4:11

Lăp đĭ-đăng kon pơlei tŏk hlôi kơ đak krong boih, na Hom Pơgơ̆p Kră Yang păng lu 'bok soi, kư̆m năm yak tŏk rok 'bơ̆t anăp kon pơlei.

Jôsuê 4:13

Đei dang puăn-jĭt rơbâu 'nu bơngai hơmet năm tơblah, dơ̆ng 'bơ̆t anăp Kră Yang truh tơ anih glă Jêrikô, wă blah lu bơngai ayăt.